ّّ حلى الاسنكرز ّّّ طبق اماراتي

صباح الخير خواتى من فتره ما حطيت شى , بس قررت احط لكم اليوم حلى الاسنكرز سويته اليوم وقلت بحطه لكم , وان شاء الله يعيبكم وسامحونى ترا تصويرى كله بالموبايل ,, حبيت اشكر كل بنت ردت على مواضيعى
الطبقه الأولى عباره عن كيك العلالى بنكهه الكاكاو سويته بالطريقه العاديه وفتته وحطيته بالبايركس, وضغطت عليه بايدى عشان يتماسك وبامكانكم اضيفون له قشطه وتخلطونه معاه ولازم تضغطون عليه خواتى عشان يتساوا السطح ماله

والطبقه الثانيه عباره عن
2 قيمر او قشطه
2 حبه دريم ويب
جبن فيلاديلفيا200 غرام او كيرى 8 حبات
ملعقه من الجيلاتين المذوب فى ربع كوب ماى حار
واخلطو كل ها المكونات فى الخلاط عدل وصبووه فوق الطبقه الاولى ودخلوها الثلاجه نصف ساعه عشان تجمد

ها علبه الجيلاتين للى ما يعرفه

والطبقه الثالثه عباره عن
6 حبات اسنكرز
ملعقتين زبده
فنجان حليب او 13 كوب حليب
وفوق التاوه ضيفو كل ها المواد لين اذوب عندكم مره حركوها زين ما زين وعقب ماتذوب عندكم خلوها تبرد اشوى بعدين ضيفوها فوق الطبقه الثانيه خواتى

وها شكلها النهائى ولازم اتخلونها فى الثلاجه خمس ساعات بعدين اكلو منها

وفى كيكتين كنت مسويتنهم هم مالت العلالى بس زينتهم وراويتهم لاختى وحبيبتى شكولاته uae واليوم نزلتها لانها الوحيده الى اتقدر الاشياء الى اسويها فديتها الله يحفظها…