السلام عليكم ورحمة الله وبركاته
عساكم بخير يالغاليات.gif "12 (56)")
حبيت افتح تجمع للبناتـ اللي يستخدمون حبوب الرواكتين
واكيد اللي استخدمته …ياليت تتحفنا بتجربتها 
واللي مايعرف شي عن الحبوب
باختصار شديد
الرواكتين حبوب تنظم الهورمونات ومن خلال تنظيمها للهورمونات
تقضى ع مشكله حبـ الشباب
مثلا
اللي تظهر لها حبوب الدوره الشهريه
ف ويها ! كل شهر >>> انا كل شهر لازم حبه او حبتين ف ويهي
اللي تعاني من حبوب الظهر
اللي ويها محمر ويا حبوب بدوره او غيره
++++++
هااللي فوق بااختصار شديد واللي عندها اسباب اخرى تفيدنا
++++++
المتزوجه ممنوعه من استخدمها (الا ف حالات خاصه جدا )
مثلا مركبه لولب
لان خطرررر تشوه الجنين بنسبه 99%
حتى الدكتور ف الموعد الواحد يسألني مرتين خخخخ وانا ماشفته غير مرتين للحين
استخدمها يومي
ولازم نسوي فحص دم كل شهر مره
ويراجعج الدكتور كل شهر
البنات اللي استخدموها
واييييد مدحوها
من جييه انا تشجعت وخذتها
نسبه الكولسترول مرتفعه خخخخ وقال اشلون مرتفعه وانتي جييه ضعيفهـ
المهم قال ابعدي عن الوجبات السريعه
حد استوا لها شراتي ؟؟
صح
وسألني اذا كلت قبل الفحص شي بس خذت لي بندول
وبعد عندي سؤال ؟؟
هو لازم تكمل 24 ساعه
عادي لو ماانتظمت ف الوقت مثلا خذتها قبل ب اربع ساعات من الوقت المعتاد
ياليت اللي تعرف تفيدني
أول جرعة استدخمتها في سنة 2024 لمدة تسع شهور …. وخفت الحبوب .. وصارت بشرتي من ناحية الحبوب احسن بكثير من قبل …… بس الأحمرار والبقع ماراحت وحطيت ماسكات طبيعية وكريمات عشان اقلل منها …
بعد أقل من سنة تقريبا رجعت الحبوب مرة ثانية بس بشكل أقل …. و رجعت الدهون في ويهي وبشكل أقل … ومع مرور السنين …. الحبوب ظهرت لي بس أقل من السابق …. وزادت نسبة الدهون في ويهي ….
وسنة 2024 … استخدمت الجرعة الثانية …. لأنه بغيت اتخلص من الحبوب والدهون …. وتعالجت 7 شهور … ووقفت الدواء لسبب ما …..
أألا وهو أنه أصابني إندافاع دوائي من الرأكيوتان ….. والإندفاع عبارة عن بقع بنية غامقة منتشرة على وجهي ….. شافوني 3 دكاترة جلدية ….. قالولي هذا حساسية دوائية ضوئية … ولازم اوقف الدواء حالا …. جسمي رفض الدواء …. وضوء الشمس أثر في ويهي ….. وماعندي حل سوى اللجوء إلى الله … لأنه محد قدر يفيدني في هالفترة … لأني ماقدر اقشر ويهي ولا اقدر استخدم الليزر بعد توقف الرأكويتان مباشرة ……
لازم اتريا 3 شهور والجأ للتقشير الكيميائي أو الليزر للبقع ….
وقفت الدواء …..
هذي حالة نادرة تصيب بعض الناس …. وأنا صرت من الحالات النادرة … يعني أنتي وطبيعة جسمج ….
أأعراض الدواء جفاف شديد مو طبيعي في الوجه والعيون والشفايف …
أ
في نقصان في نسبة الكوليسترول ….. نسب المواد الموجودة في جسمج تختلف .. يمكن يزيد أو ينقص ….. عشان جي لازم تسوين فحص كل شهر …
صار لي إكتئاب نفسي شديد من الدواء .. وأثر في طبيعة تفكيري …. صرت عصبية وايد … ماتحمل أي كلمة … والإكتئاب الي عندي نقدر نقول كان قاتل ….. يعني كانت اتيلي افكار سودة في مخي ….
عشان جي … الي تخطي هالخطوة لازم تتحمل كل شئ وتصبر … وتؤمن بالله وتتوكل عليه ….. والنتيجة بشرة خالية من الحبوب ….. ولكن ليس إلى الأبد !!!
في النهاية انصح الناس الي يبون يستخدمون هالدواء انهم يكونون مظطرين جدا … وأن كل سبل العلاج الأخرى مافادت وياهم … ويكون الحل الأخير هو الرأكيوتان . وليس الحل الأول …
اانا وحدة تعالجت بما فيه الكفاية وصبرت وااااااااااااااااااااااااااااااااااااااااااااااااا ااايد …. وتوكلت على الله …. مرات تييني حالات يأس من المرض … ولكن لا ييأس من روح الله إلا القوم الكافرون ….
اعرف ان كلامي يمكن مايشجعكم … ومثل ما قلتكم إذا انتي تبين تخففين من الحبوب والدهون … استخدمي هذا الدواء … هذا في في حال أن المرض عندج شديد ….
أهم شئ الأمل والإيمان …… وانا تعالجت من الحبوب…. تظهر لي بقع …. وإذا تعالجت من البقع تظهر لي حبوب … ولا توجد نهاية للحكاية ….
وتحياتي للجميع ……
انا ظنتي اكثر وحده خذت جرعات من روكاتين
الله يسلمكن انا خذيت ثلاث كورسات فيه
حتى الدكاتره استغربو مني قالو اني حاله نادره لانه العاده مره وحده ان كثرت مرتين
بس سبحان الله مع انه حبوبي خفيفه بس تعرفون البنات يبن كل شي بيرفكت
ووفعلا لاحظو في فحوصاتي انه نسبه الكولسترول مرتفعه مع اني ما اكل فاات
والله يشفي كل مريض
يعني انا مثلا استخدمته والحمدالله ويهي صار شي عجيب لأن كل حد يقول ان واااااااااااااااااااااااااااو بس للأسف بعد سنة من العلاج والأدوية والحبوب ويهي الحين فيه بقع والهرمونات عندي لج عليها وزاد وزني 15 كيلو وشعري قام يطيح بشكل فظيع لدرجة اني قصيته (كان طول ظهري والحين تحت جتفي بشوي
) وسوالي إلتهابات وأخيرا وقفت العلاج والحين انا اتعالج من عدم إنتظام الدورة الشهرية لأن الهرمونات اتخربطت عندي وصار عندي تكيس بالمبايض لأن وزني زاد مرة وحده
انا حالتي حاله
أأنا موقفة الدواء تقريبا من 3 شهور …. واتيني الدورة كل 17 يوم ….. لدرجة احس ان فيني فقر دم ..
ويوم كنت استخدم الدواء كان ينقص وزني … احس استوي ناشفة ….حلوة هاي ناشفة والشعر طبعا يتساقط بغزارة …
على الله المستعان …
وانشاء الله استمر على العلاج ولا يستوي فيني شي
بس عندي سؤال الدوا انا اخذه بعد ما اتعشى وانا ما اتعشى كل يوم نفس الوقت فهل عادي اخذه على معدة خاليه ول كيف؟؟؟؟؟؟؟؟؟