اليوم نبداء اول يوم في يوميات المجموعة … واللي راح يكون فيها شعارنا
( رشيقات المستقبل ودبدوبات الحاضر )
خواتي .. اللي ردوا علي الين اللحين ووافقوا على الشروط هم :
1- LDEHX
2-ايقاع المطر
3-بنت حوااء
4-مملكة حزن
5-VOGUE
والباقي …
1- خريشة دبي
2-شوق الحنان
3-Mis.Dior
4-غنـــاتـي
5-أم فهوووود
6- الدندوشة
7-حنونة 2024
8-أول العنقود
واي بنت مابتوافق على الشروط بيتم استبعادها …
الشروط :
1- الالتزام التام بخطة الرجيم من تاريخ 25 – 4 وحتى 25 – 7 -2017م
2- الالتزام مع المجموعة حتى النهاية ومحاولة تشجيع البنات وعدم التحدث بالاحباطات والفشل السابق فقط ايجايبة وبس ..
3- وضع الوزن القديم بالصورة حتى تتم المتابعة من قبل البنات .
4- ان تتعهدي امام الله ومن ثم المجموعة بالالتزام التام والمواصلة ، بما في ذلك حتى لو خربتي او ضعفتي في لحظة … يعني اذا خربتي الليلة مش معناه انه الرجيم انتهى لا بل بالعكس تواصلين وتكملين للوصول للهدف الحقيقي .
5- الصراحه التامة وتسجيل اليوميات بحذفيرها بدون حذف او زيادة حتى لو كنتي تاكلين كل الوجبات وهذا عشان تحسين انه في ناس مثلج يعانون ويضعفون جدام الاكل بس بالارداة والتشجيع راح نواصل .
6- اللي تشوف انها خلاص ماتقدر تكمل تكتب اعتذار للمجموعة وتنسحب , كل انسان يواجة في حياته ظروف خاصة .
7- اخيراً : تصورين جسمج وتسجلين مقاساتج ووزنج وطولج في دفتر خاص بج .. وتحتفظين فيه لنهاية المدة .
الرجيم هو رجيم الدكتور عبدالله المطوع واكرر الالتزام بهذا الرجيم في الوقت الحالي مهم يابنات عشان نشجه بعض … وهو مرفق لكم للمرة الثانية
الرياضة ليوم 25-4-2017م
مطلوب من كل مشاركة …
1- تنط حبل 20 نطه
2- تمارين للخصر 20 مره
3- تمارين للرقبة 20 مره
4-تمارين للبطن 10 مرات
5-صعود الدري نازل وطالع 5 مرات …
************************************************** ********************************
وطبعاً ندعو العضوة LDEHX تكون المرشدة للاسبوع الاول من الرجيم واللي يمتد من تاريخ
25-4 وحتى 2-5 باذن الله والذي يصادف يوم السبت .
************************************************** ********************************
أختي فووووووووووووووج عندي طلب
ممكن تاخذين مكاني هالاسبووع في الارشااد لأن ما عندي خلفية في طريقة الارشاد
وأنا إن شاءالله أكون في الارشاد بالاسبوع القادم
بعد ما اتعلم منج وخاااااصة أنج أنتي صاحبة الموضوووووووع
ولج جزيل الشكرررررررررررر
بس رجيم اليوم الي كتبته الاختLDEHX
لمده اسبوع او اسبوعين ممكن توضيح اكثر اختي
المهم انه وجباته .. منوعه وطول اليوم تاكلين يعني مافيه حرمان ابداً …
الغالية LDEHX… الارشاد هو انج اتابعين البنات وتحاولين تشجعينهم … ماعندي مانع … وان شاء الله الاسبوع الياي انتي تاخذينه … لانه نبا نشجع بعض مافي وحده اتابع ووحده ماتدري لا الكل يتشارك بالمعلومات والرجيم والبدايل …
ان شاء الله يعدي هذا الاسبوع على خير
LDEHX خذتي وزنج هذا الصبح .. وخذتي المقاسات وصورتي ولا للحين ..
ههههههههههههههههههه خلاص عيل زودي الدرج 5 مرات زيادة على الموجود ..