هلا بكل اهل الامارات والمشتركات في هذا المدونة الغالي
حبيت اخليكم تشاركون في معاناتي
عمري اليوم 23 سنه وانا من البحرين
متزوجه صار لي 5 سنوات تقريبا ومن هني بدت مشاكلي
اول مانخطبت كنت غصن البان كان زوني 49 كيلو واليوم صرت كاني ورچ دينصور وصلت 84كليو وطولي 161
ماخليت شي ماجربته من حرمان ورجيم ورياضه وحبوب واعشاب كنت احصل فايده مؤقته وارد اجع لفوزني
تعبت وتعبت نفسيتي بشكل مو طبيعي حتى علاقتي مع زوجي تغيرت
قمت استحي حتى البس ثياب معينه جدامه بس شاسوي
الي حابه تساعدني لا تبخل علي
واعتبروني اختكم الي مالكم بد منها
وارجو من الي عندها تجربه خاصه تساعدني
لا تبخلون علي
وانطر ردودكم
حبيبتي لازم عقب الرجيم تحافظين على اكلج وتمارسين الرياضه على الاقل 3 مرات عشان تقدرين تسيطرين على وزنج
لانه نحن شو عيبنا نحرم نفسنا وبعدين ننهد على الاكل كانه اخر يوم ناكل فيه فحياتنا
انا بعد قبل ما اتزوج 75 وصرت 100 تخيلي 25 كيلو زياده ليش ؟؟
لانه خلاص اهملنا نفسنا ونسينا كل شي وقمنا ناكل ونرقد ماشي شغله ثانيه عشان جي حبيبتي المفروض منج تسوين لنفسج نظام حياه معين يعني مافيه حرمان بس يكون صحي وقد ما تقدرين استغني عن الدهون بكل انواعها والسكريات بس هذا ما يعني انج تاكلين من فتره لفتره ..
اهم شي العزيمه تكون عندج قويه وصدقيني بتوصلين لنتيجه ..
ربي يوفقج الغلا وتوصلين للوزن الي تبينه ترا الحفاظ على الوزن اصعب من انج تخسرينه
بس تدرين بعد الولاده شنو يصير في الوحده
والله اكلي مو ذاك الزود
ساعات اضل بدون ريوق وبدون غده وآكل شي خفيفي على العشه
وشؤال ثني ليش مايطلع توقيعي؟
خلي الاراده عندج وخفيفي وسوي رياضه