يومياتي مع رجيم السعرات الحراريه + صور سلامة الحمل

وأخير قررت أسوي رجيييم.. وبشكل جاد ان شاء الله..
وعلى فكره اول مره اسوي رجيم.. والله يقدرني واكمله لين اوصل الوزن المطلوب..

انا طولي 164 وزني 70 وأبى اوصل لـ 50 ولو أقل بعد خير
أتبعت رجيم السعرات الحراريه.. لان حسيت انه يناسبني.. انا ما احب أتبع رجيم فيه وجبات محدده..
أبى خيارات مفتوحه اختارها على ذوقي.. وطبعا مع مراعاة السعرات الحراريه..

انا حاطه فبالي 1200 سعره حرارية كحد أقصى.. ممكن أزيد أو أنقص 100..
أنصدمت يوم شفت السعرات الحراريه لكل الأغذيه.. حسبتها وشفت ان نحن عادي نستهلك 4000 سعره فالييوم!!!

فقررت أسوي كنترووول على أكلي.. أنا أعرف اني بتعب وبيووع فالبدايه..
لان المعده تحتاج وقت لين تصغر.. فمن الحين اقول لا تحاسبوني اذا خبصت اشوي خخخخخ

المهم.. بحط لكم كل يوم ان شاء الله وجباتي مع السعرات الحراريه لكل وجبه.. وطبعا السعرات مو بالضبط بس تقريبيه..

باسم الله نبدأ
بما انه اول يووم.. ورقدت لين وقت متأخر.. فما تريقت..

الغداء

دجاج متبل ومشوي فالفرن مع كوب أرز + سلطه
مجموع السعرات الحرارية = 452

عالمغرب جاي حليب لبتوون..
مجموع السعرات الحرارية= 12

عالساعه 8 ونص.. سناك.. عباره عن حبتيين سنطره (يوسفي)
مجموع السعرات الحرارية= 70

العشاء

عالساعه 10 ونص.. صح متأخر بس لاني أسهر
عباره عن ساندويش ( دجاج( نفس دياي الغدا) + نص حبة طماط + نص خبز لبناني + ملعقة مايونيز قليل الدسم)
+ نص كأس عصير برتقال ==> فالصوره كاس كامل بس عقب ما كلمته..
مجموع السعرات الحرارية= 391

مجموع السعرات الحرارية لليوم الاول = 925 سعرة حرارية
حلوين صح؟ طبعا باجر بيكون في ريووق.. يعني بتزيد السعرات

وانا ان شاء الله بسوي رياضة.. وببدأ بالتدريج عشان ما اتعب مره وحده وانحبط!!
يعني اول يوم 10 دقايق وثاني يوم بزيد للـ 15 وهكذا
الرياضه بتكون على جهاز سير المشي.. وطبعا بتنحرق سعرات حرارية اضافيه..

ولقيت هالمعلومه..

المشي المعتدل ( 3 ميل/ ساعة ) يحرق
300 سعرة حرارية

المشي السريع ( 4-5 ميل / ساعة ) يحرق
420-480 سعرة حرارية

تابعوني يوميا.. وبنشووف مع بعض اذا كنت بنزل على هالرجيم ولا لاء!!