السلام عليكم ورحمة الله وبركاته
اشحالكم خواتي..عساكم طيبين
واخيرا نزلت هالموضوع كان فخاطري من زمان بس تعرفون الكسل يلعب دور عند المتاان 
وخصوصا اذا اقترن الكسل مع فقدان الامل في النزول فا نكون في قمة الاحبااااااااااط
و لو ماكان عرس اخوي جريب جان ما تشجعت ابدا..
بس خلاص عزمت وان شاء الله بستمر لين ما اوصل للنتيجه اللي اباها,
واتمنى من كل وحده تدخل موضوعي انها تشجعني بناااات بليز وهذا هو هدف هالموضوع
يزاكم الله خير
ثلاث وجبات رئيسيه, و وجبتين خفاف
الفطور شي لااااااازم واساااااسي يكون فيه خيااااااااار ههههه خلاص يعني حفظوا هالشي بس خيارهم حلووو طعمه غير عن خيارنا هههه… وعندهم حليب لو تبين تشربينه مع الفطور او تستبدلينه بالروب وتصير عندج ثلاث وجبات خفيفه
الغدا والعشا وجبه رئيسيه ومعاه لااازم شوربه او سلطه
الوجبات الخفيفه هي فاكهه – وقطعة سوييت
رجيمهم يعتمد على السعرات الحراريه اللي يحتاجها جسمج على حسب وزنج, يعني اللي وزنها زاااايد وااايد هذي صندوقها ممزووور اكل ههههه طبعا فالكميه يعني كلما نزلتي من وزنج كلما كانت كمية الاكل اقل بس ما ينزلون اكثر من 1000 سعره حراريه لانه مب زين للصحه..
اليوم كان اول يوم لي وياهم وماعندي ريوق فـ كلت شوية هريس كم لقمه
ولانه يوصل متاخر فا اكل منه الغدا والعشا والوجبات الخفيفه.. اما الفطور اخليه لليوم الثاني متعوده على هالنظام وياهم..والجمعه لانه ماشي بوكس فا اكل الريوق اللي خليته من بوكس الخميس واخفف فالغدا والعشا..
وهذا اول بوكس وصل الساعه 4 كنت ميييته يوع واقرا جريدة الاتحاد
وهذا اللي فيه
اول صوره للفطور مع الوجبات الخفيفه
كرواسان جبن + خيار
حليب
برتقال
تارت بالشوكولا (لذيييذ)
والصوره الثانيه للغدا
معكرونه بالخضار + سلطة سيزر
الصوره الثالثه للعشا
سندويج ديك رومي + سلطه خضراء
واحاول كل ما لقيت وقت اسوي رياضه سواء مشي او غيره بس ان شاء الله اخليه يومياا
وزني 83.4
طولي 163
يااااارب انزززززل من وزني
وان شاء الله كل وحده ماشيه ع رجيم معين تتوفق وتوصل للنتيجه يارب
اتريا تشجيعكم خواااتي واذا اي وحده حابه تشاركني وتحط وجباتها ماعندي مشكله المهم نشجع بعض ونوصل للهدف بإذن الله
تابعوني واشوفكم باجر بوجبه يديده ان شاء الله
ربي يحفظكم
بس لو تبين نتيجه اسرع،،سوي رياضه منتظمه،،اذا عندج جهاز المشي،،ساعه يوميا وبتشوفين الفرق،،او اشتركي بجيم
هئ هئ هئ
وبالتوفيق اختي وان شالله بينزل وزنج
شدي حيلج وتوكلي على ٱللـّھ
سمعت في براس الخيمة في وحدة توزع أكل ويا النظام وعندها عيادة بس ما اعرف وين xxxxxxxxxxx