ماعرف عاد اسوي موضوع حلو وازين واعدل والون لووول
بس المغزى من هالموضوع ان كل وحده تسوي رجيم وتبغي تشجيع او تبغي تنزل يومياتها بس متعايزة تسوي موضوع روحها انها تشاركنا ،،
يعني بيكون تجمع عام مش تحدي ولا مسابقه ولا بنتقيد برجيم معين ،،
اي وحده حابه تشارك تبدا وقت ما تبغي ،، وتحط مذكراتها الريجيميه
وان شاء الله يفيدنا هالتجمع بحيث كل وحده تتشجع وتستفيد من تجارب غيرها
وحياااكم جميعاااا
بديت رجيم عقب الولادة ،، طبعا قبل ما اربي صك وزني 86
وعقب ما ربيت وصل 80
بديت تخفيف ونظام السعرات من جريب واليوم وزني 76.2
طولي 164
هدفي الاول ارد لوزني قبل الحمل 74
الي اصلا هو وزن زايد لووول
وهدفي الثاني ارد لوزني الي متعودة عليه 68
بس بعد ما كانت راضيه فيه
هدفي الثالث 60
وهدفي المستحيل شوي ادش عالم الخمسين
بانتظار مشاركاااتكم ^^
انا بشارك ان شا الله وياج..انا حاليا اسوي رجيم وشراتج بديت عقب الولادة بس وزني وايد زاد فالحمل ويوم ربيت كنت 115 والحمدلله قدرت انزله لين 90 ولازلت مستمرة فالحميه وابغي انزله لين 70 باذن الله. طولي 167. يارب نوصل للوزن اللي نباه ونحن بصحة وعافية.
ماشاء الله عليج نزولج حلوو لين الحيين
وان شااء الله نستمر ونوصل اهدافنااا يااارب
ومن اليوم بنبدا يومياتنا عشان نشجع بعض
ونستفييد ان شااء الله
التقرير كامل ،، ويا الصور ان امكن
اليوم تريقت سبع تمرات وعصير الربيع اناناس
وشربت نص لتر ماي
والحين اتريا الغداا
شفت جدامي كاكاو واشتهييته بس قاومت لاني
تذكرت الميزان والندم الي بحس فيه اذا مانزلت
اهم شي الاراااادة ولا مابنقدر ننزل ولا نص كيلوو
والله يقّدركم وتوصلون لاهدافكم ^_^
Dream High هيه زين سويتي يوم يودتي عمرج.. واذا تقدرين سوي دايت مدروس عند اخصائي عشان ما يكون نظامج فيه حرمان او خلل.. انا نظامي عند دكتورة اتابع معاها كل شهر تقريبا.. واليوم باديه نظام قاسي نوعا ما..هو فيه اكل بس وايد مخفف.