شهر عشره بدخل فالسنة الرابعة من زواجي وما يبت عيال لان عيب فيني ،،هالفتره هذي كلها كنت اتعالج فيها،،وآخر سنه ريالي تغير عليه واااايد وكله يهددني بالطلاق على أتفه الأسباب مثلا إذا مزحه وياه وكان مزحي شوي ثقيل يجرح فكلامه ويقولا انتي عقيم وما تبيين عيال ومافيا خير لا انتي ولا اهلج يغلط عليه وعلى أهلي،،، انا تعبانه واااايد ،،لا اقدر أكلمه ،،وإذا قلت شئ يعصب،،، وكل ما صار شئ يتعلك بالطلاق،، يشوفني أني تعبانه من العلاجات إبر وحبوب وتقطيع محد يعلم به غير الله ،، يقولي انا متصدق عليج أني عايش عندج،، حمدي ربج لو واحد غيري من زمان طلقج،،، ها لكلام اسمع منه شبه يومي ،،والله على أتفه الاسبااااب،، انا حتى لو فيني عيال على هذا لكلام ما بيوون دمرلي نفسيتي 
تعبببببببببببت كل يوم صيااااح كل يوم صياااااااح حتى فرمضان ما يشفق على حالي ،،،، أصلي وأدعي له بالهدايه والذريه ،،، وأنا ما أبا أكون مطلقه وأحاول قد ما اقدر أرضيه ما شئ فايده قلتله روح عرس بس لا طلقني،،، المطلقة عاااار فعايلتنا،، ذالني ذل بدل ما يوقف عندي ويساندني،، شو اسوييييي. خبريني أفيدوني أهل الخبرات
وقولي .. ( رب لاتذرني فردا وانت خير الوارثين )
وبقولج شي عن تجربه انا حملت 3 مرات وكله خارج الدوله
نسافر استجمام وراحه ويصير حمل .. اهني مانفع تعرفين ليش !
لان نفسيتي زفت عند حماتي واهله فبيتهم بس من نسافر احمل لاني ارتاح نفسيا
الله ايسر امورج ويهدي سركم
الله يصبرج عليه والله يهديه يارب
احنا عندنا فعيلتنا نفسج متزوجين بعد زواجي باسبوع ما جابوا عيل
عرسن اخوان بنفس وحده بنت خالي منهن
وللحين يعالجن والحمدلله ماشي فايده
وهذا بيد رب العالمين كل تاخيره فيها خيره
والله الرازق مب بايدك
الله يهديه ادعيله برمضان ربي يهديه ويسكن غضبه ويغيره
ادعيله بالقيام وبصلواتك وبالليل والنهار واستغفري
عسى ربي يهديه والله ان شاء الله بيرزقكم عاجلا غير اجل
ومثل ما قالت ام حنان الحمل له دور كبير فالحاله النفسيه
ان شاء الله يارب يرزقك بالذريه الصالحه ويرزق كل محروم
فرمضان اوله رحمة فطلبي فيها الرحمة من الله واوسطه مغفرة واخره عتق من النار فكثر الداعاء في اوله حتى تنالك رحمة الله
و تخيلي اختي لو كان زوجج العقيم هل بتعاملينه بها الطريقة اكيد لا ،، حاولي تذكريه و تفتحين له قلبج ولا ترضين بالمعاير
واضبي ع العلاج بشكل مستمر و خلي املج كبير برب العالمين