يقول: الولد احسن من البنت لصحتك

بصراحة حالي ما يسر ابدا

ريلي صدمني امس بكلامه … ما تخيلت في ناس للحين تفكر بهذي الطريقة

يعني انا وهو صار لنا سنة ونص نحاول لين انا حملت ما خلينا دكاتره و ادوية ورياضة

والحمدالله حملت

ولكن الصدمة كانت امس

يوم رحت للدكتورة قالت لي احتمال كبير بنت

طبعا ما قلت له على طول بس من باب السوالف جان اقوله شو رايك لو يبت بنت قال لالا شو بنت شو هالافكار شليها من راسج انشاء الله بتيبين ولد

قلت له ترمس جد قال اصلا الولد احسن من البنت خلينا نيب ولد ولدين بعدين البنات

استغفر الله يتشرط على رب العالمين

جان اقوله تعرف اختك حامل قالولها يمكن بنت واخته عندها ولدين قبل ومسكينه خاطرها في بنت جان يقول يالله شو تبا في البنات الا هم مشاكل و فضايح … تخيلو

جان اقوله تعرف انا حامل بنت

جان …………………. يسكت كان حد صافعنه
كان يقول ما اباها ، سالت قلت له شو فيك قال الدكتورة متاكده جان اقوله تقول تقريبا متاكده كانه يتاكد ان ممكن يكون فيه امل ان ممكن يكون ولد

المهم تم ساكت وطبعا انا تميت ساكته ما اعرف شو اقول مب متخيله عقليت ريلي مع انه متعلم جامعي وعنده ماجستير وناوي ياخذ دكتوراه

يوم وصلنا البيت قالي شو فيج

جان اقوله الي ما يبا بنتي انا بعد ما اباه

اهون عليه ان اقولها ابوها مات على انها تعرف ان ابوها ما يباها

جان يقول انا ما قلت ما اباها بس انا قلت انا ابا ولد و الولد احسن من البنت بيساعدني يوم يكبر

قلت له مب شرط مب كل ولد يكون بار بامه وابوه ( والله اكلمه والعبره خانقتني و ممتخيله النقاش ، اناقشه انه ما يبا بنته)

عقب جان يقول اصلا كل ام واب لهم ولد مفضل قلت له انت بعدك ما شفتهم ان بس تحكم على كون المولود ولد او بنت وهذا ما يخصه في الي تقوله

جان يقول عاد هذا رأي الشخصي وانتي مالج حق تحاسبيني على رأي

قولو لي شو اسوي معاه احس اني وايد اكرهه حاليا

قلت له تصدق انت اكبر صفعه حصلتها بحياتي و ما يشرفني اني متزوجه واحد مثلك

و ربي يحنن قلبه و اكيد اكيد اكيد بيغير رااايه بعد ما يشلها بين ايده

والله يسهل عليج

فديت البنوتات .. والله انهن دلع

ما عليج يالغاليه … من بيشووفها بينسى كل مافي هالكووون

ختج
ام زايد

ملاحظه: انا بس نك نيمي ام زايد .. وهذا اول حمل لي وقالولي احتمال اتكون بنوته .. ان شاء الله

ودووووووووووووم ادعي هالدعاء " اللهم إطرح بقلبي وقلب زوجي الرضا والقناعه بكل ماكتبته لنا "

والله بتشوفين حاله بتتغير وبيرضى بأي شيء

وفعلا .. تخلف .. الواحد كان يشمئز من سماع الخبر بأيام الجاهليه عفان الله .. لكن الاسلام كرم المرأه

طنشي وجدامه دوم قولي الحمدلله لاتنرفزينه يعني لاتقولين الي قلتيه غلط بيركب راسه

قولي الحمدلله انا راااضيه بالي يعطيني ربي ..

وعليج بالدعاء وكثرة الصلاه على الرسووول ..

الله يهدي اليميع وصدقيني يوم بيشووفها بينسى كل شيء . انا عندي بنتين ولله الحمد

في بنتي الثانيه كلهم يقولون بعد بنت ومن هالكلام .. وريلي حتى يوم قالت الدكتوره بنت ويه تغير ..

بس يوم ولدت ماشاء الله تخيلي يحبها الحين اكثر من العووده بعد لووول .. ودوم اذكره كنت لو مايت

كنت تبغي ولد لووول .. صدقيني يوم بتربين كل شيء بيتغير ..