يـــــــــــايني معــــــــرس المومة و الطفل

مرحبا خواتي شحالكن عساكن بخير ،،

باختصااار ـ هذا المعرس الــ 6 يمكن اللي اييني

وأغلب اللي يخطبوني يكونون عن طريق ربيعاتي

أخوها – عمها -خالها …. الخ

بس المشكله اني بدون تفكير أرفض ـ يعني من تكلمني البنت أيلس اغير السالفه ولا أقولها برد عليج واسوي طاف

لدرجة انه مره وحده قالتلي ، انتي شكلج تبين شخصية عودة،، ما تبين حد من العامة

ما كانت تتطنز كانت ترمس بجديه

وانا والله ما يهمني شخصية عودة ولا صغيره ، أهم شي ريال زين ومســــــــــــــــتد

المهم أخر مره اللي هو من يومين ،،

خطبتني ربيعتي حق حميها ، بس مب هي اللي كلمتني ، طرشت ربيعتنا الثانية تكلمني

قالتلي الريال زين ويداوم فــ .. وعنده بيت ..و و و و الخ المديح

سكت عنها ، مادري بس حسيت انه لازم يكلمون أهلي ، هن شكلهن يجسن النبض

انا كالعادة طنشت وقلت لها برد عليج ، وللحين ما رديت

أقولها خل أهله يكلمون أهلي ؟! لأني كنت بقول جي بس استحيت بصراحه

ماعرفت أصيغ الجمله عدل ..

وبس

احسن شي تستخيريين والله يقدملج اللي فيه الخير ولو ردت كلمتج قوليلها كلمو هلي ^^

واقري ع عمرج
وايدين ما ياهم حد ، ، فالاحتياط واجب اختيه يعني اقري ع نفسج ^_^