يسألكم أزواجكم الجمعه اوياكم والا المومة و الطفل

السلام عليكم
لي بنت عم طرحت علي مشكلتها بس ما عرفت شو اقولها خفت من حبي لها حلي لها مايكون صح قلت خواتي بنات المدونة ماراح يقصرون
المهم
بنت عمي لازم ريلها يوم الجمعه يكون يالس عند أهله من الصبح لحد الساعه ثنتين باليل اكيد بتقولون ليش ما تروح وياه بقولكم تقول مو مخصصين لهم غرفه وما تقدر تيلس ها الوقت كله وعلاقتها وياهم سطحي جدا
فها الشي عادي انتو بعد ازواجكم بها الطريقه كل اسبوع

عادي حبيبتي بنسبه لي يوم جمعه ريلي يكون موجود عند أهله بس وقت الغدا وانا احب وحده من حمياتي وانا دايما وياها اذا هي موجوده يلست معاهم طول اليوم وإذا روحت روحت يلست شوي وروحت عنهم وريلي احيانا يطلع مع خوانه مب ايلس معانا لين بليل يعني عادي حبيبتي انا موجوده ولا لا يوم جمعه ريلي اذا ماسار جمعة أهله يروح جمعة ربعه لين ليل

وايد ناس جي شيء عادي
بعدين هي عارفه أن عند أهله يعني مب مكان ثاني >>شو مشكلة
وع حسب كل ريال وكيف متعووذ وجدوله يعني ماافي شيء ثابت ^^..

بالعكس انا اشوف مافيها شي يخصص يوم الجمعه يزور أهله وبالعكس لازم تشجيعه يبر بوالديه

أختي الكريمه لفتت نظري هذي الجمله في موضوعك. معقوله وحده متزوجه ولدهم و علاقتها سطحيه بهم بدل ما تكون حسبة بنتهم و جزء من العايله و السبب : ما مخصصيلها حجره؟؟؟ ليش هي سايره تزورهم و إلا تنخش عنهم في الحجره. انصحيها تتقرب لهم بالزيارات و الهدايا و تشجيع زوجها على بر أهله لأن عيالها بيتربون على برها و بيكتسبون هالعادات الطيبه من أهلهم.خلها تكون بنتهم مب مرت ولدهم.

[QUOTE=رعود المزن;43535802]أختي الكريمه لفتت نظري هذي الجمله في موضوعك. معقوله وحده متزوجه ولدهم و علاقتها سطحيه بهم بدل ما تكون حسبة بنتهم و جزء من العايله و السبب : ما مخصصيلها حجره؟؟؟ ليش هي سايره تزورهم و إلا تنخش عنهم في الحجره. انصحيها تتقرب لهم بالزيارات و الهدايا و تشجيع زوجها على بر أهله لأن عيالها بيتربون على برها و بيكتسبون هالعادات الطيبه من أهلهم.خلها تكون بنتهم مب مرت ولدهم.[/QUOTE
أمه وأبو متوفين الله يرحمهم
اللي بالبيت حريم إخوانه وعلاقتها فيهم سطحي
يعني إذ يا وقت صلاه وأين تصلي في غرفهم مثلا والا وأين هو بيت العايله صح بس مهما كان لازم الوحده يكون لها خصوصيه

أمه وابوه الله يرحمهم
يبر أهله ما قلنا شي وسؤالي مو عن برالاهل وصله الرحم لا تفتحون لي محاضرات دينيه
سؤالي واضح من العنوان