اشحالكن عساكن بخير
اخواتي العزيزات
انا حامل في الشهر السابع يعني قولن في نهايه هالشهر ان شاء الله بدخل
الثامن وهذا اول حمال لي الحمدالله.. بس ظهر لي شي في فتره حمالي وحبيت استفسر هل هالشي طبيعي
والا بس انا
الله يسلمكن لاحظت اسمرار فضيع تحت الصدر وما بين ريولي وكرشتي وشي خط اسمر
من السره لين تحت مع اني من النوع اللي امرخ عمري 24 ساعه كل جسمي بس اللي
مضايقني ان ريلي لاحظ وساكت واحس اني منحرجه منه واخاف استخدم اي مرهم
وياثر في حمالي تراني من النوع الوسااااس
شو رايكن شي طبيعي واشقى اخوزه..
والسموحه خواتي
ربي يحفظكن ويسهل على كل وحده حامل
الله يسهل عليج يارب
بس ماعندي فكرة عن التفاصيل أو كيف تخففين ….. سوووري
قولي حق ريلج ان هاي من سوالف الحمل مب بايدج تغيرين.. وكل شي انشالله بيرد طبيعي عقب ^_^
انا السواد وخاصة الرقبه اييني من اول شهر
وبعد الولاده يروح تدريجيا بروحه
اختي جرح رمايل اذا بتسود رقبتي اكثر عن جيه في شهر التاسع بموووووت من الحيا..
الحمد الله حد مثلي ان شاءالله يخوز لاني كارهه عمري كثر ما اسبح
احس اني بخلص ماي البيت بس مافي فايده..
تسلمين حبوبه.