يا المتزوجات ساعدوها لتربية طفلك

مرحبا ،، عزيزتي المتزوجة من اعزب أو متزوج قبل أو مطلق

ربيعتي تبا شورتكم

ربيعتي خطبها واحد متزوج وهي بنت بكر ،، وهي محتارة تأخذه ولا لا ،، لانها تفكر ان هي بكر وما تبا حد يشاركها بزوجها المستقبلي
يعني تبا واحد حقها هي بس مو تشاركها أنثى ثانيه

هو صح ان الله حلل بس هي محتارة

ساعدوها دخيلكن وجزاكن الله خير

نصيحه لا توافق لانها راح تتعب يمكن ف البدايه بتحس الامر عادي بس والله من يمرن ٦ شهور بتعرف معنى بنت بكر تاخذ واحد متزوج يعني راعي بيتين بتتنازل عن وايد اشياء عشان ريلها وبتندم .. اتكلم عن تجربه خاصه فيني انا ندمانه قد شعر راسي صح مرتاحه ولله الحمد بس اللي متنازله عنه هاد لي حيلي وكاسرني ف خلها تتريا واحد احسن من ها والله يكتب لها اللي فيه الخير ..

أضم صوتي لصوت إحساس نمله
صدقيني الوحده لما تأخذ متزوج في البدايه ( كل جديد حبه شديد ) وبعدين يبدأ عض الأصابع ندم
الله يسخر لها الزوج الصالح الي يكون لها وحدها ولا ثانيه تشاركها فيه

تصلي استخاره، محد يدري يمكن هالمتزوج ف نظرها
بيحطها ف عيونه وبيخاف الله فيها عكس اللي مب متزوج
ويمكن مب مناسب لها، القرار لها من عقب الاستخاره
والله يجدملها اللي فيه الخير . .

صلي استخارة اختي
والسعادة مب في زوج مب متزوج
يا كثر الحريم اللي عاشوا وذاقوا معنى التعاسة وهم مزوجات برياييل مب مزوجين بس خونة
وفي حريم مزوجات من رياييل مزوجين يغلون غيرة

حتى اللي المفروض تكون مرتاحة وريلها مسوي لها كل شي تشوفينها تتافف وتحس نفسها اقل عن غيرها !!
محد مرتاح
القناعة كنز ..

بتتعب وايد خصوصا اذا عنده عيال