يا أنثوات ممكن تساعدوني رعاية الاطفال

السلام عليكم ورحمة الله وبركاته
خواتي انا متزوجه صارلي 4 سنوات عندي طفل والحين حامل
بصراحه اريد اتغير للاحسن اريد اكون انثى حقيقيه عشان اسعد زوجي كنا وايد حلوين مع بعض فكل شي بس تغير بعد ولادتي متنت والحين ما اعرف انا حامل واريد اسوي رجيم فنفس الوقت ساعدوني اريد اكون انثى فكل شي

يا أنثوات … رابع ثانوي تعال شل أجمل انسان خخخخخخخ اسولف هع لاتزعلين
الصراحه انا حاليا حامل في شهري الاخير وانا طبعي دفش من زمان واحاول اكون اكثر رقة وانوثه

صعبه اتسوين رجيم وانتي حامل يمكن تضريين البيبي حرام … بس حاولي تغيرين شوي من اسلوبج وياه , طريقه كلامج ويا ريلج
حاول تتغلين شوي على ريلج مثلا ابتعدي عنه شوي لا تستوين لصقه وحاشرتنه وين ساير ووين ياي فهمتي علي
ودعواتج لي بولاده سهله

كلي سلطه وفواكه وشربي عصاير وحليب قليل الدسم لانه يساعد على حرق الدهون وبجذي تغذي البيبي صح لا تاكلين عن اثنين هاي المقوله خطأ

الريجيم ما يضر البيبي .. بس المهم تمشيت على نظام السعرات وأعتقد تحتاجين 2000 سعرة .. سويه مع طبيبة تغذية أحسن .. سيري أقرب مستشفى وخذي موعد وسوي ..

ترومين تمشين مشي خفيف 10 دقايق مرتين أو 3 يوميا

غيري ستايل شعرج .. حطيه مفتوح وركبي عليه شباصات الكريستال ..

دومج حطي ميك أب خفيف .. كريم النهار وفوقه بودره وزعيها بالفرشاة .. وكحل وماسكرا .. وبلاش طبيعي خفيف وغلوز بسيط

البسي اكسسوار بسيط في ايدج .. يغير الاستايل

حتى غيري شكل غرفة نومج غيري مكان الشبرية ( هاتي نجار لا تحركينها بروحج وانتي حامل ) وغيري الفرش

تابعي المجلات بتشوفين الاستايلات اليديدة ترومين تقلدينها

ومن قالكم ان الانوثه بالضعف الانوثه بالكلمة بالبسمة بالتصرف الراقي
ترى كثر الدلع وتمييع مب انوثه تعتبر
لازم اول شي تعرفوا شو مقياس الانوثه الحقيقي
وبعدين فديتج يعني رجيم وقت الحمل يكف يصير البيبي يبي وانتي جسمج يبي ما يستوي تحرمين نفسج بسبت الضعف
عسى الله يوفقج

عزيزتي الحرمة يوم تحب نفسها لا إرادياً الزوج يحبها بعيوبها لانها واثقة من نفسها ..
حتى لو هو يجوف العيوب بس انتي ما حسستيه انج متعقدة من هالشي ما بيلمح لج ..
وشي حلو انج تبين تتغيرين ..
فالحين لا تكثرين اكل بس في نفس الوقت بطريقة ما تضر اللي في بطنج ..
وشي ثاني غيري من شخصيتج .. صح الشكل مهم بس جمال الروح أهم..
والله ييسر أمورج ويسعدج

كل وحدة لها مقياس للأنوثة .. ويمكن اللي انا اشوفه غير عن اللي تبين توصلين له ..

ها ريلج .. صعب تعيشين معاه بتصنع .. لازم تكونين على طبيعتج .. لكن اذا تحسين ان في اطباع فيج تبين تغيرينها .. حاولي شوي شوي .. عشان ريلج ما يستغرب ..

يعني مثلا .. الصوت العالي .. انا بروحي ساعات اتضايج احس عمري صوتي عالي في كل شي .. فأحاول اسيطر عليه .. خصوصا بوجود ريلي ..

الشي الثاني اللبس .. البسي ونوعي في اللبس .. ودام حامل خذي لج لبس حوامل .. لانه يخلي الحامل كيوت وحيوية ..

بس الأهم انج ما تتمين طول الوقت نكدية وتحنين .. ودايما تطلبين .. وابسط غلطة تطلع منه تنجلب مشكلة عودة .. هاي الامور هي اللي تحبب الريال فحرمته وتخليه ما يصبر عنها .. والحين ويا البيبي والحمل .. لازم يعرف ان هو دايما من اولوياتج وله وقته .. وما يقصره حقه ابد .. بالعكس .. خليه يستانس انج كل فترة بسيطة مسوية جو يديد ..

وربي يسهل عليج ويخليلج بو عيالج .. ويوفق بينكم دوم ..