يايه تخطب وله تخرب الحياة الزوجية

السلام عليكم بنات تحيدون خبرتكم تقدملي يمني الحين اهلي وافقو وزارونا البيت وجي بس الصدمه امه شكلها ماتباني حق ولدها قالت حق امي ولدي طايش ومانباه يعرس الحين والبنت اكبر عنه يعني شي من هالكلام يعني امي اضايقت عصبت تقول هاي يايه تخطب وله تخرب فشو رايكم نفركش ونرفض وله نسويلها طاف بس ولدها شاريني واظارب ويا امه بسبتي يقولها انا ماباخذ الا هالبنت فشو تنصحوني انا قلتلهم انا مابسكن وياها بنسكن روحنا ودام الريال شاريني شو ابا فالام .

استخيري لرب العالمين ، هو اعلم منا كلنا

استخيري واذا ارتحتي توكلي على الله

ياما بنات تزوجوا وام العريس ما حبت البنت لكن قدر الله نافذ وعيشين وسعداء

الله يكتب لك الخير

حبيبتي انتي بتتزوجينها ولا بتتزوجين الولد …. اذا تحسين انه صدق ريال و شاريج و فيه كل المواصفات اتوكلي على ربج … بس بعد حاولو ما تتصلون حقهم او شي اذا هم اتصلوا وطلبوا اييون مرة ثانية اوكي بس اذا لا انا من رايي اطبوون السالفة

uuuuuuuup

استخيري ربج

والي الله كاتبه بيصير ان شاء الله

في واحد راعي مشاكل هو طبعه جي ما يحس حب وحده وخبر امه انها اتسير تخطبها البنت راقيه ومحترمه وما عليها رمسه
فكانت الام متردده انها تخطبها لان عارفها فعايل ولدها وبنفس الوقت ما تبا اتزعل ولدها فستالت استشاري شو اتسوي لانها ما تبا تظلم بنت الناس ويا ولدها وما تبا اتقول عن ولدها مب زين جدام الناس فقال لها الاستشاري سيري ويا ولدج بس زياره تعارف على العايله من غير غير ما يطلبونهم ويملكون عقب ما ادري شو استوى

المغزى من القصه يمكن امه ما تباج تاخذين ولدها خايفه عليج منه وخايفه تلف الدنيا واتي في بناتها او تفضحونهم جدام الناس وتقلون ولدها فيه وفيه