شخباركم يالغاليات 
حبيت اعطيكم اخباري انا قلت لكم
ان الدكاتره قالوا لي اني حامل بدوون جنين
بس كيس ومشيمه
وقالوا لي لازم تنزلينه خلال عشرة ايام واذا ماطاح بنسوويلج غسيل
وحملي تقريبا شهـرين بعد الاجهاضيين القبليين
يعني هاي حملي الثالث والله ماراد لي 
والله ماقص عليكم تعبت في اجهاضاتي القبليه كله طلق وخرابيط
مع انهم سبحان الله صغــار يطيحووون
وكل هـاللآلــم يسوونــه ؟؟؟؟؟
المهم صايره اشرب هالايام حليب مع زنجبيل
وامس حلمانه اني حامل (( الحمل معروف انه هم ))
والدكتوره تبي تفحص رحمي واقولها : دكتوره ليش مافيني طلق؟؟ ماحس بشي كلش
والله العظيم ماقص عليكم قمت من الحلم على آلام طـلـــق
سبحان الله مافي جنين بس كيس ومشيمه
تعبت اكثر من قبل
مستغره ماتوقعت ان بييني طلق على كيس خـالـي
ياني الطلق عالساعه 11 ونص الصبح
لين الساعه 2 وربــع الظهـر طـاح وانا في المستشفى
بس صج تعبــــــت والله العظيم صرت اكـره شي اسمه حمل
والله لاعة جبدي
ورحمي كان مفتووووح بس قالوا مادام الكيس طاح الحمدلله
مافي شي في رحمي
وهاي اخبااري
منسدحه عالسرير واكتب لكم
وكل خوفي ان حملي الرابع نفس الشي
والله تعقدت ترى صج تعب
الوحده لما اتشوف الطلق واتربي ماتفكر تحمل
عيل انا كل ماسقط راحـه 3 شهور بس وعقب احمل واييني طـلق يطلع عيني ويطيح الجنين
الحين هاي ثالث مره على هالحال انا
والحين بعد 3 شهور راحه وا شاء الله باحمل
ومادري ليش فقدت املي استغفر الله
تفائلوا بالخير تجدووه
انا والله في كل حمل متفائله ويطيحوووون
واكيد الله ماكاتب لج نصيب الحين..
وان شاء الله يرزقج بالحمل
وتفرحينا بالولادة..
نبا ناكل حلاوه
حتى انا مسقطه 3 مرات والله يعوضنا بالحمال الرابع ان شاء الله ويتم ونفرح فيه ^_^
خخخخخ بس حلاوه ؟؟؟
والله لو صج حملي يثبت 9 شهور واربي
والله ماعرف شاسووي احتفال كبير خخخخخخخخخخخخخ
حتى ام ريلي اتقولي بندلعه دلع هالولـد – او البنت
شنسوي الله كريـــم
تسلمين فديتج على مرورج
والله يثبت لنا ان شاء الله الرابــعــــــه ثابته
وبيعوضج خير ان شالله
وماتشوفين شر :^.^: