ياغاليات تعالن وباذات اللي مسويه قيصري لصحتك

الغاليات انا ربيت والحمدالله طبعا قيصري
وكانت الولاده بالقيصري اهون عن الطبيعي
حبوباتي انا الحين طلعت من الاربعين ومازاد
وزني في الحمل وايد اللهم لك الحمد والشكر
بس فيني بطن تحت اكيد انتن تعرفن وخفيف
بس السؤال متى اسوي رياضه مثل ايروبك
او سباحه اورياضة بطن
اترياكن ضروري لانه عرس اخوي شهر خمسه
وتعرفن انتن (المزامط) بين الحريم هههههههه

مبرووووووووووووووووووووووك حبيبتي ويتربى ف عزج البيبي والله ماعندي أي فكره ها بجري بس قوليلي صدق أهون من الربى الطبيعي والله مافكر أربي طبيعي و وين ربيتي أي مستشفى ؟

الله يبارك فيج وعقبالج انشاءالله
بصراحه انا جربت خمس ولادات طبيعي بس كنت اتعب وهذا السادس
والحمدالله حسيت انه اهون عن الطبيعي
ربيت في مستشفى الامارات العين عند دكتوره اسمها باتيا وجراحتها ممتازه
والحمدالله
ومشكوره الغاليه على تجاوبج معايه

حرام عليج وين القيصري اهون .. انا مت من الويع احس ما اروم انزل ثالث يوم من على السرير تقولين الخياطة بتتبطل .. الله لا يكتبلي في الحمل الثاني قيصري …. ويع ساعة او اكثر ولا ويع اسبوعين ..

عن الرياضة .. بعد اسبوع بديت اسوي التمارين البسيطة شرات الوةرقة اللي عطوج اياها في المستشفى .. بعد الاربعين سرت نادي ما كملت اسبوع عسب الرضاعة .. بس والله تميت على رياضة البطن يوميا اول بعد صلاة الفجر واول العصر وبعد العشا ب3 ساعات .. وحاولي تخلين عشات بدري … وكنت البس الضاغط صح في البداية يعور بس الحمدالله احسن
وانشالله الكروشه بتروووح .. وبتقولين فدوة قالت ..

نسيت اقولج .. عن شرب الماي وااايد .. والعصاير البارده .. لا اتقولين اشتهيت الباسكن اتحملي عسب الكروشه .نصيحة

ومنكم نستفيد
انا ولادتين قيصرية والحين بعد حامل يعني ما في مجال للرياضو والكروشة طالعة طالعة لا محالة

اختي ممكت تبدين ظنتي عقب اسبوعين برياضه خفيفه هم يوصونج بها

وعقب شهر تقدرين تمسجين وتسوين رياضه الايروبك الخفيفه

والبسي مشد وامشي واطلعي الدرج شوي شوي

بس اهم شي ما تلبسين ملابس مزمزمة من تحت الكرشه والبسي الملابسه التحتيه اللي لين اعلى البطن هب اللي تحت خط البطن لانها ترد الكرشه عن التهدل