انا ادور على هالسوالف بلوون اوفوايت و اغلب المحلات اللي سرتها في مصفح فبوظبي ماالقيت و كليوبترا و سيراميك راس الخيمة؟؟
و لو لقيت احصل جدييييييييييم يعني الحنفيه اتيج واقفه بريول و انا ابا اللي بدوون..
مادري احس الاوفوايت الفاتح مايتحصل ..اغلبه ابيض ..؟؟
عطوني اماكن ثانية..
و بغيت اعرف بعد وين اقدر افصل رخام للخنفيات في بوظبي ؟؟؟
ضرووري باجر طالعه ادور ؟؟؟؟
اختي في كشك ما اقدر اسميه محل صراحة لانه عبارة عن كشك بس صراحة العينات اللي حاطينها فيه شي راقي وكشخة من الخاطر ما شاء الله ,, تلاقينه في دلما مول في نفس الطابق حق كارفور قدامه بس ما ادري قريب شو بالضبط لان المكان سايرتنه بس مرتين فبعدني مو مركزة عموما شوفي الاكشاك اللي قدام كارفور واكيد بتلاقينه ان شاء الله ,, شكل المكان جدااااااااا راقي ما شاء الله والله يوفق الجميع لما يحب ويرضى 
@ اختكم في الله @
ام ناصر
ماعرف بالضبط وين بس اسالي السكيورتي او شوفي الخريطه …. ان ماخاب ظني فهو تحت قريب هوم سنتر
وموجود نفس المحل في بوادي مول العين جدام دايسو