وين الريال يقدر يسوي فحص ؟؟ لصحة الجسم

بنات فديتكن عطوني اماكل الريال يسوي فيها فحص ..

انا من بوظبي .. وريلي بعده ما سوى فحص .. وكل ما لقوله يقولي ان شاء الله .. وجي

واستحي كل مرة اقوله .. والله اقفط .. احسها مب حلوة كل مره اقوله ..

فديتكن لا تنسوني .. وخبروني بعد بأسلوب حلوو كيف افاتحه بالموضوع مرة 2 ..

فديتج اي مستشفى يسوون هالفحص.. يبيها جذي..

اسكتي عنه اسبوع وعقب قوليله
الدكتورة قالت لازم اشوف فحوصات زوجج عشان لما اعطيج علاج يكون علاج صح وما يضرج ولا يأخر الحمل عندج

اختي العزيزة روحي عند الدكتور سمير السامرائي في دبي وايد زين وانسان محترم يسوي بطريقة حلوة ومايحس ريلج باي احراج ابد العيادة في مدينة دبي الطبية اسالوا عنا

شكرا خواتي .. ما قصرتن ..
يزاكن الله خير ^^

قولي له انه اي دكتورة ما راح تعالجني عن الحمل ولا بتابعني الا لمن تتأكد من فحصك
وان شاء الله بروح .. أنا كان ريلي جذي ولمن قلت له بهاي الطريقة وخليت نفسي جد
راح وسوا فحص وممكن في اي مستشفى مختص أو مختبر.

اصبري اشوي وعقب فاتحيه بالموضوع ومثل ما قالت الاخت قوليه ان الدكتوره طلبة فحص الزوج

ماروم اقولة ان الدكتورة قالت .. لأني يوم اروح عندها هو يدخل معاي عند الدكتورة ..