اخواتي الغاليات..
كنت اتعامل مع دار ازياء في فتوح الخير "الران" والصراحه عندهم كم فستان جاهز في منتهى الرقي والجوده والاناقه و بأسعار معقوله.. وبعد اشتريت من بره بس ما تعاملت مع حد في الامارات
للاسف الشديد راعية المحل سكرته لظروف خاصه والحين انا محتاره.. ذوقي صعب وما يعجبني اي شي.. وبعد مالي خلق المصممين وتضييع الوقت وبروفات ومادري شو..
ابي فساتين رااااااااقيه والوان حلوه وتصاميم مبتكره.. عندي كم صوره لفساتين في خاطري شي منها تصميم زهير مراد ٠طبعا اسعاره ٤٠ الف وفوق والله حرام الا فستان!!!!).. وحابه افصل بس صراحه مب واثقه من جوده التفصيل او التصميم.. وبصراحه استحرم ادفع على فستان بلبسه مرتين مبلغ كبير..
هذيل موقعين يعرضون عينه من هالموديلات الحلوه والمميزه:
https://********.maktoob.com/showthread.php?t=245358
https://vb.dll3.com/44017.html
الخلاصه.. احتاج مساعدتكم.. وين في دور ازياء لازياء سهره وسواريه جاهزه وفخمه وراقيه.. عرس اخوي في شهر ١١ وابي شي مميز جدا.. بس بعد ما يكون سعره ١٠٠٠٠ درهم وفوق..
انتظر نصيحتكم.. وجزاكم الله كل خير
ان شاءالله يساعدونج البنات
بس ابي شي شبيه بالرقي والجوده.. مابي شي تعبان.. انا ذوقي وااايد صعب..
بنات همتكم معااااااي!!!
ومن تصاميم أم ظبية إذا حابه تشوفينهم راسليني على الخاص (للإيجار ب 2500 درهم ) من أول لبسه
شوفي بوجاتي .. السلام .. في وافي .. سيري ساكس عندهم وايد فساتين حلوة ..
موفقه ..