وينكم يالذويقات… أبي مشورة منكم لعروسة الامارات

حبايبي انا بيتي شبه جاهز.. وانا الحين في مرحلة اختيار الأثاث (ابغي مشورتكم في غرف الجلوس) ..

عندي صاتين مفتوحات على بعض صالة وحدة كييبيرة والثانية صغييرة والصاله الصغيرة أعلى من الصاله الكبيرة (مرتفعة شوي).. الصاتين صابغتنهم بلون ذهبي فاتح..

الصالة الصغيرة ابغى اسوي فيها جلسة لونها بني وتركواز وذهبي..

والصاله الكبيرة ابغى اسوي فيها جلستين صغار بيكونوا نفس الديزاين بس ألوانهم مختلفة (نفس الجلسات الكويتية اللي تكون بوسط الصاله يعني مش لاصقة بالجدار) وحدة بيكون لونها بني وبيج والثانية أحمر "عنابي" وبيج)

شو تتوقعوا بيكون شكل الصالة مع هالالوان يعني في تناسق في الالوان والا تخبيص..

بليييييييييييييييز أبغى آرائكم (محتارة)

للرفع

لللرفع

مشكووووووووووورة أختى مريم

مع إنى أحب هالالوان البنفسجي والبيج والبرتقالي واخضر بس ما ادري كيف ما يو في بالي….

مشكووووووورة عزيزتي تسلمي

سبحان الله نفس بيتي وتصميمة صالتين وحده عوده والثانية اصغر شوي ومفتوحات على بعض والصاله الصغيرة مرتفعه شوي عن الثانية ،،،،،، انا افكر اسوي نفس الشي بس الالوان ما حددها بالنسبة للالوان انا اشوف انج تختارين الوان ما تفرق كثير من بعض بس على الاقل لو بتغيرين يكون بينها خط مشترك مثلا ذهبي واسود وبيج فى صاله وبني وذهبي وبني ولا احمر غامج فى الصاله الثانية والاكسسوارات تلعب دور كبير فى اعطاء طابع عام مشترك ولو تحبين التغيير تقدرين تحطين بالوسط بيت الصالتين فاصل مثل قطعه اثاث بلون محايد علشان تعطي انطباع ان الصالون مفصول مدري هذا رأيي ويمكن البنات يفيدونج اكثر على العموم الاذواق تختلف وهذا الحلو والله يوفقج وتسكنين فى البيت اليديد وانتى يصحه وسرور والله يعيطج خيره ويكفيج شره

افضل شي سيري محلات الاثاث وشوفي شو الكنب الى عندهم بتييج وايد افكار