بنات و امهات ولدي عنده مشكلة عويصه ويا الامساك من اكثر من 5 شهوور يروح الامساك ويرجع وكلما رحت مكان عطوني تحميلة جلسرين ويقولون كثري السوائل والخضار والفواكه وها كله سويته بس ما ينفع ..جيكوا على فتحة الشرج سليمه مافيها شي الحمدلله لكن لما يبا يفضي بطنه يقعد ف زايو ويتعصرررر فديته وساعات يطلع منه شي وساعات لا واذا طلع شي يكوون شي صلللللب وشويه وانتوا بكرامه
هو عمره سنه ونص اخر مرهةرحتةعند دكتور نمساوي فمستشفى خليفة الكل يلس يمدحه بس تخيلوا شو قالي! قطعي الحليب عنه نهائيا لان هو يسبب الامساك
بصراحة ماقدرت اقطع الحليب لكن ماعطيه نفس قبل واستخدم له بروجرس والحينةمن يووومين اعطيه نوفالاك مال الامساك
واعطييه عنب وبرتقال وفواكه وخس والحين ها 3يوووم ما فضى بطنه 
ممكنوتفيدووني بخبراتكم
هذا اللي نجربه لعيالنا في الامساك والحمدلله اوكي
كشيخة بوظبي كيف طريقة الماي والعسل يعني كم كمية الماي والعسل
والتين المجفف كيف اسويه بعد الطريقه يزاج الله خير
عطيه ماي التمر قطعي التمر وحطيه في كاس وصبي عليه ماي حار وخليه ساعه صفيه وبعدها عطيه الياهل ان شاء الله بيخفف عليه
عطيه في الاسبوع مرتين او ثلاث لا تكثرين