حابة استشيركم في موضوع واااااااااااااااااااااااااااااايد متأزمة منه ,, وهو بخصوص ولدي الله يحفظه واللي الحين ساير صف ثالث ابتدائي ,,,
المشكلة العويصة اللي عنده انه لازال لا يعرف يقرا ولا يكتب وبصراحة انا ما اقدر اسيطر عليه ما يرضى لو شوه ما يرضى ,, وما اريد استخدم وياه اسلوب الضرب يعني ما شي فايدة عسب اصلح شي اخرب شي ثاني ,, والمشكلة انه من النوع الحساس وااايد ومشكلته اصلا يايه من المدرسة يعني هو ما شاء الله حركي وااايد ولو تموتين ما بينبه لج ,,, يوم كان في الروضة شحالاته شزينة كان واااااااااااايد يحب الدراسة لان المدرسة ما شاء الله عليها غصب غصب لازم تفهم وياها ويوم طلع صف اول استغفر الله بصراحة ما ادري شو السالفة اللي صارت عنده تحسينه في شي واعتقد ان المشكلة يايه من الاولاد والبنات اللي كانوا وياه في الصف عسب انه كان خاص ولازال ,, والمدراسات الحمد لله والشكل كالعادة اللي اصلا شاطر بيتم شاطر وبيحصل على كل الاهتمام والله وحليله كسلان الله يعينه واللي ما يهتم محد بيهتم فيه شرات الكسلان ,, هاي سالفة كانت على ايام اجدودنا وابهاتنا ونحن والحين يعيشونها عيالنا وعقب عيال عيال عيال عيال ,,, الى مال نهاية 
المهم شرات ما قلت لكم ما شي اهتمام عقب نقلناه مدرسة ثانية وعاد في هاي المدرسة مرررررررررررررة بعد اول ياحيه كان كتب اسمه الحين ما شي لا اسم لا رقم لا شي,, واخر السنة ما شاء الله 95 في العربي ابا افهم على شو ولد ما يعرف يكتب ولا يقرا الاملاءات مالته كلها صفر اتصل في المدرسة مالت العربي اقولها ليش ما تحطين له صفر تقولي مب شرط احط له صفر ترا صفر بس اونه عسب نفسيته يا سلام والله ماتحطين له صفر عسب نفسيته بس عادي تغشنا وتغش نفسها وتحط له علامة حتى الشاطر غصب يطلعها ,,
يعني عسب انا ندفع فلوس بيسكتونا بالعلامات الكبيرة اللي يحطونها لعيالنا ,,
انا عن نفسي عادي عندي ولدي يرسب مب مشكلة والله لكن اهم شي انه يفهم اباه يفهم يقرا ويكتب ,, فما اعرف ما عيبتني المدرسة صراحة ,,
فأفكر الحين اوديه مدرسة نموذجية شو رايكم تنفع قالولي عندهم اليوم الكامل يعني يحلون الواجبات عندهم في المدرسة ,, بس ما ادري تحسونها تناسبه والا لا ,, اتمنى تشورون علي ,, لانه وااااااااااااااااااااااااااااااايد مضايقني حرام الحين بيسير صف ثالث ولو ما فهم الله يعينه عقب رسوب معتبر ولا فهم ولا شي ,,
بنات رجاءا لا تهملون طلبي ,,,
شو رايكم ادخله نموذجية وخصوصا ان عنده عقدة من البنات ومن المدرسات الحريم للاسف ,,,
ولو اي وحدة عندها اي شي ينفعني اني اقدر اوصل وياه لحل لمشكلته في القراءة والكتابة اكون شاكرة لها وااااااااااااااااااااااااايد
اتمنى ما تبخلون علي بإجابتكم عن تساؤلاتي ,,
والله يوفقكم وييسر لكم الخير ان شاء الله دنيا واخره
@ اختكم في الله @
ام ناصر 
اولا : الاسبوع القادم بتفتح المدارس وبداوم المعلمات سيري مدرسة ولدج واعرفي من بتكون معلمة الصف لمادة اللغة العربية واجلسي معاها وخبريها بمشكلة ولدج واطلبي منها تساعدج وما تجاملج ولا تعطيه درجة الا درجة المستوى الحقيقي له
خليها تسوي له امتحان صغير في القراءة والكتابة مثلا يقرا فقرة قصيرة او يكتب كلمات املاء
اطليي منها تعلمج كيف يميز الطفل بين التاء المربوطة والتاء المفتوحة مثلا في الاملاء لان هاي مشكلة الكثير من الطلاب في التأسيسي
دورج انتي في البيت تكونين معلمته من بداية العام الدراسي من خلال شراء القصص القصير ة او المجلات وتطليبين منه يقراها معاج بصوت عالي
عطيه مجموعة من الكلمات اللي فيها مدود وتاء مربوطة واطلبي منه يتدرب على كتابتها وبعدين سوي له املاء
بتتعبين في البداية لكن بعدين بترتاحين وبيتحسن مستواه
اذا تحبين تنقلينه للنموذجية اسئلي المنطقة التعليمية لان احتمال الحين خلاص اعدت قوائم الطلاب والفصول
الله يوفق ولدج ويوفقج انتي بعد
مشكووووووووووووووووووووووووووورة فديتج ,,, لكني احس مشكلة الولد يايه من البنات اللي وياه في المدرسة ومن المدرسات ,, يعني شوي شوي بيطلع عنده عقدة من الجنس اللطيف ..
اما عن الدراسة نفسها هو ما عنده مشكلة فيها المشكلة كلها في المدرسة او المدرسات وفي ان ماحد قادر يعطيه شوي من وقته ,,, وبالنسبة للنموذجية على مستواه ها اصلا ما راح يقبلونه لان يسوون لهم امتحان اصلا تحديد مستوى ,,,
ما اعرف شو اقول ولا شو اسوي ,, الصراحة مرا انصدم فيه انه ما شاء الله يتم يترجم لي بعض الكلمات الانجليزية لو قعدنا مثلا نشوف لفيلم هاري بوتر على اساس انه اكثر شي نشوفه ,, دلالة ان ولدي من النوع اللي ينتبه حتى لو قعد يلعب ,,, وما شاء الله عليه اكثر عن كلمة كان يترجمها هو بروحه يعني حتى من قبل لا يدش المدرسة ,, مثل كلمة سايلنت و كلمة سكار هو بروحه اكتشف معانيهم يوم كان في الروضة ,, يعني الولد اصلا مب غبي بس مشكلته تدريسية محد فاهمنة حتى انا للاسف مب فاهمتنه
الله يعينا بس على عيالنا ,,
ومشكورة الغالية على ردج ,, والله يوفقج وييسر لج الخير ان شاء الله دنيا واخره
@ اختكم في الله @
ام ناصر
انج تحببينه فالكتابه والقراءه وطبعا اليهال ما بسولج سالفه الا اذا كان السالفه فيها لعب وظحك :
اول خطوه: العبي وياه لعبه تعتمد عالكتابه بس ابدس بالتدريج يعني من كلمات سهله الى صعبه مثال:
لعبه اكس اوه>>> تعرفونها صح؟
بعدين اللي يكتب اسمه يحصل حلاوه وطبعا انتي لازم اتشاركين بس حاولي تيبينها بطريقه لعب وظحك وبعد ما يكتب لازم تمدحينه واتبينين له انج وايد مستانسه انه كتب لدرجه انج اتبروزينها وتعلجينها فالبيت
وكل مره عطيه كلمه وكل ما يكتب مدحي وحضني وبوسي خلي يحس انه سوا انجاز
الخطوه الثانيه :
بعد ما تحسين انه بدا يتعود عالكتابه ويتقنها خلاص وقفي اللعب بس لا توقفين المديح والهدايا >>> الموضوع يباله صبر
طبعا هذي الخطوات لازم تتطبق فاسبوع كامل ويمكن ازياده يعني لا تستعيلين عليه اصبري
بالنسبه للقراءه:
الخطوه الاولى: ييبيله قصص سهله جدا جدا وانتي اقريله القصه فالبدايه بعدين تمي اتقوليله انه القراءه وايد حلوه شو رايك اتجرب انت اقرا وانا بمثل >>> حاولي لو ما تعرفين لانه راح يتحمس للقرايه عسب يشوفج اتمثلين ويمكن تستعينين بدباديب او عرايس نفس شخصيات القصه
الخطوه الثانيه كل يوم علجي كلمه فغرفه او الصاله اي مكان يمكن يشوفها وقوليله اذا قريتها بعطيك هديه وطبها لا تنسين المديح و الحضان والبوس هههههه
وبعد ما تشوفينه صار يقدر يقرا ابدي اتحطيله جمل وهكذا وان شاء الله يتحسن