ولدي كمل سنتين في اول رمضان ولين الحين مب عارفه كيف افطمه والله تعبت وخاصة وانا صايمه المشكله انه ولدي طول ما انا يالسه على طول يبى يرضع يعني ما يروم يشوفني يالسه من دون شغله .
مع العلم اني في بناتين الثنتين كنت ارضعهم رضاعه طبيعيه الاولى فطمت عمرها من عمرها لاني كنت حامل وارضعها واول ما دخلت شهري الثامن شكله طعم الحليب اتغير فوقفت الرضاعه . اما بنتي الثانيه كنت ارضعها ومع الوقت بالتدريج قامت رضاعتها اتقل لين ما صارت ما ترضع الا في الليل وهي راقده والضروف ساعدتني على فطامها لاني دشيت المستشفى ويا ابوها لمدة اسبوعين .
اما ولدي الاخير الدلوع مب قادره افطمه مب عارفه كيف مع العلم انه هو وايد عنيد وفي اطباع انه يوم يزعل يتم يصيح لين ما يرجع كل اللي في بطنه او انه يتم يدق دق راسه على الارض وانا تعبت والله .
والمشكله انه مب طايع يتقبل المرضعه من يومه وانا اشربه الحليب في كوب يعني يبى نفس خواتها مع انه الفرق بينهم 3 سنوات
ما ادري شو اسوي يوم اكون عند اهلي واطلع واخليه مول ما يسال عني يعني ما يتم يصيح يدورني يبى يرضع بس من يشوفني خلاص يبى يرضع المشكله شو انه لو رضاعته اتقل عن اول بقول ما عليه بالتدريج بس مول رضاعته ما قلت يعني جنه توه ولد صغير مب جنه عمره سنتين كل شوي يصيح عشان ارضعه
بليز بنات اللي عندها طرق اتخبرني
وجزاكم الله خير
عقب ذوبي شوية مرة في ماي وحطيها ع صدرج كل ما جا يرضع، او خذي دوا من الصيدلية حق نفس الغرض
واصبري عاد ع الصياح والعصبية بس كلها ايام ما تعدي الا وهو منفطم باذن الله
المشاركة الأصلية كتبت بواسطة مواليد2010 
جان زين والله بس المشكله انه انا في اماره واهلي في اماره ثانيه
مشكوره على مرورج
المشاركة الأصلية كتبت بواسطة ZoOyA عقب ذوبي شوية مرة في ماي وحطيها ع صدرج كل ما جا يرضع، او خذي دوا من الصيدلية حق نفس الغرض
واصبري عاد ع الصياح والعصبية بس كلها ايام ما تعدي الا وهو منفطم باذن الله
مشكوره اختي على الفكره وان شاء الله اتفيدني
انزين اختي المره احطها حتى في الليل لانه هو يرقد حذالي في الليل وطول الليل وهو يرضع
ولا ابتدي انه احط المره بس في النهار والليل اخليه يرضع عشان يرقد ؟؟؟؟
مشكوره وجزاج الله خير