ولدي والإسهال للساحة الامارات

السلام عليكم
بنات الله يسلمكم ولدي الله يحفظه عمره اربع شهور و 20. يوم من حوالي 5 ايام كل ما يشرب حليب زين بطنه يمشيه سوا حليبي او صناعي وفيه الله يعزكم نفس المخاط وحبيبات وديته للطبيب وعظامي بودرة اخلطها مع الحليب بس خفت أعطيه وقالي سويله تحليل فسويتله تحليل براز بس ما طلعت النتيجة وهو عنده بلغم وزكام وكحة خفيفة وانا بعدي ما عطيته اكل وضعف واااايد عن قبل وحتا الحليب ما يشرب زين يمص مصتين وخلاص ولاحظت عليه يمص شفاته ويطلع السانه وهل اذا كانت الوحدة حامل يصيب الطفل إسهال خايفة الله يستر ولدي بعده صغير

اختي شربيه ماي وايد خليه يعوض الماي اللي ينزل منه يقولون ان لما يكونمطلع لسانه يحس بجفاف ويبا يشرب ماي. وخذي له حليب من الصيدليه خاص للاسهال

دام ان الدكتوره عطاج بودره ليه ماعطيتيه ؟ يعني اكيد هو ادرى
الله يشفيه ويحفظه لج

مشكورات خواتي
لانه صغير وكل شوي أدوية حرام سمعت عن النشا فيه حد جربه

النشا لعمر 6 شهور واكثر تخطلينه ف الروب
بس ولدج بعده صغير
والاغلب يعطونهم محلول عشان مايصيبه جفاف
عطيه ماي ويمكن الاسهال بسبت اللثه

أنا عانيت وي بنتي البجر من الاسهال من يوم كان عمرها يوم ..
وماخليت عيادة ولا مستشفى لكن مافادها وعطيتها أنواع من الحليب وبعد مافي فايده .. وعطوها شرات اللي عطوج اياه بعد مافادها ..
لين وديتها عند استشاري أطفال وغير لها الحليب ووصف لي (( نوفلاك AD)) هذا حليب خاص للي عنده اسهال وممتاز وايد والحمدلله وتمت عليه لين كملت 3 سنوات وباي باي للاسهال ..

جربيه صدقيني بفيدج ونوفلاك وايد ممتاز وعن تجربه ^^

كركر ودي ولدج عند دكتورة نيفين في مركز برايم مديكال فرع العربي سنتر اذا كنتي من دبي. انتي من ربيتي وولدج تعبان فديته انا متابعة مواظيعج. وديه عندها وخليها تشوفه هي ممتازة وعندها زحمة مش طبيعية ماشا الله. وطمنينا عليه فديته.