ولديه والرضاعة لسلامتك

السلام عليكم

مرحبا خواتي …
انا ولله الحمد ربيت و الله رزقني بولد… وعمره الحين 3 اسابيع …بس هالولد من طاح وهو ما يرضع من صدري ..والحين بدا الحليب يخف من صدري …
من يوم ولدت وما طاع يرضع والدكتوره والسسترات في المستشفى قالن هذا شي عادي يعني ما ساعدني ..وتمن يعطنه حليب صناعي ويوم طلعت من المستشفى تعذبت وياه ابد ما طاع يقرب من صدري نفره خير شر ، بس تميت اشفطه واعطيه في الرضاعه ..والحين الحليب بدا يخف حاولت ايوعه عشان يمسك صدري بس ما فاد يوم اشوووفه بدا يصيح ويحرق انا استسلم ورد على الرضاعة
حد صارله مثل واخر شي قدرتي تخلين بنتج او ولدج يرضع ؟؟
وكيف كان الحل؟؟
وهل في دكتوره او استشاريه في هالخصوص تعلم على الرضاعه الطبيعية ؟؟
وهل في حبوب معينه تزيد كمية الحليب ؟؟
انا الحين احاول اخذ اعشاب عشان تزيد كمية الحليب واشرب سوائل بس ما حسيت بشي نفعني ..اريد حبوب طبيه مجربه ..
وإلا شو تنصحني خواتي …؟؟

تحياتي

أكيد أنتي بكرية لأ ني أنا بعد استوى لي نفس الشي اشتري الألة الكهربائية اللي تشفط الحليب اسألي عنها في الصيدلية أنا استعملتها في المستشفى لأني تنومت كمن يوم في المستشفى بس قالت لي اللي تعلم الرضاعة الطبيعية هناك أني ممكن أشتريها من برع أشفطي الحليب و حطيه في المرضعة و عطي حق ولدج و ممكن تحتفظي بالحليب في الثلاجة (إذا شفطتي كمن غرشة زيادة) و عشان الحليب يزيد عندج كثري من أكل الحلبة و الطحينة.
وطمنينا

مشكوره اختي على الرد

انا استخدم الشفاطه الكهربائية ….بس الحليب عندي بدا يخف وايد يعني يوم اشفط ما يوصل رقم واحد يعني وايد قليل…
بس عطيني امل.. هل ولدج رد رضع من صدرج مره ثانيه وإلا لا؟؟؟

تحياتي

انا هذا الي خايفه منه يوم بربي

الله يستر

ويرضع ولدج من صدرج ان شاء الله
ادعيلج والحين وقت اذان الفير وربي يستجيلب ان شاء الله

الله المستعااان يارب

انا ولدي كان نفس ولدج ما طاع يرضع حاولت معاه بكل الطرق وفي النهاية استسلمت والحمدلله مرت الايام وكبر ،، صح كانت مناعتنه خفيفه من اقل شيء يمرض،، وعن حليبج انه خف لانه ولدج ما يرضع منج لانه الياهل كل ما يرضع من صدر امه يزيد الحليب اما الشفاطه ما تنفع

نفس المشكله بس انا 3 بيبي الي قبله كانوا اوكيه ما تعبوني الا هذا الله يهديه