اكيد الكل يعرف هالمثل .. ولدج على ماتربينه وريلج على ماتعودينه
ياليت تخبرونا شو الاشياء اللي عودتي ريلج عليه وكانت لصالحج؟
وشو الاشيا اللي عودتيه عليه وتحسفتي عليها؟
فيه اشيا الوحده اول ماتتزوج ماتعرفها
بس عقب سنين اذا عرفت تتحسف ليش ماعودت ريلها من البدايه
لان الريال صعب يتغير عقب سنين
ياليت نستفيد 
انا نفسج بعدني ماعرست وبالملجه احس صعب نعودهم على شي بحكم قلة الاحتكاك
بس اللي شفته شي وايد مهم انه عودته لازم يعطيني معاشي من البدايه ولو اني ف بيت ابوي
عشان من البدايه يتعود ويحط ف باله هالشي
وبعد شي واااااايد مهم انه الزوجه ماتعود ريلها من البدايه انه هي اللي تدفع وكل شي عليها
لازم يتعود ان هو المسئول والملزوم يدفع
وبخصوص الكشخه
احاول ما اعوده يشوفني دوم كاشخه
يعني عادي شافني كم مره بدون ميك اب ولبس بيت والشعر طبيعي بدون استشوار
عشان باجر عقب ما اعرس ما اتعب ولازم يوميا بالميك اب وكاشخه
خير الامور وسط
الوحده لازم تتعدل لريلها بس بعد الويه يتعب من الاساس و الماسكرا وهالسوالف لازم اريح ويهي
وشعري ولبسي اهم شي مرتبين
وبعد حلو الوحده تعود ريلها من بداية ايام الزواج ان في يوم مخصص لاااازم يطلعون فيه ويغيرون جو يعني يوم للعايله بعيد عن طلعات الربع او زيارات الاهل
مثلا اشوف اختي متعوده لازم كل سبت هي و ريلها يطلعون
هو يوم واحد بالاسبوع ما يضر مثلا يتغدون برع او يتمشون بمكان
وعلى فكره
حتى الكلام الحلو و الرومانسيه
في حريم هم عودوا رياييلهم على هالشي ولا هم قبل كانو جموود
الحرمه الذكيه تقدر وايد تغير اشياء بالريال وتعوده على اشياء يحبها
صح بعد المفروض الحرمه ماتعود ريلها من البدايه انه كله حاضر وحاضر و ان شاء الله ولو كان هالشي يضايقج وتدوسين على قلبج
لازم من البدايه تبينين له انه عندج راي وكلمه و وجهة نظر
الاحترام والتفاهم مطلوب
هذا اللي طلع وياي حاليا
ولاني مسطله السموحه منج حبيبتي افكاري متخربطه
وان شاء الله بضيف اشياء اكثر لو تذكرت شي مفيد
في حريم لا يهشون ولا ينشون
للحين ماعرسنا
بس اهم شي تعودينه انه مب كل شي على كيفه
مثلا بنتي يوم تبي ترضع ماتقول ابا انيه او ناناه
اقولها خلا انام
فحينه يوم تبا ترضع تقول خلا انااام وسيده الغرفه
مارضعها بالصاله اذ ببيت اهل زوجي ولا في غرف البنات
لا بس بغرفتي واذ ببيت ابوي مرات بالصاله عادي واكثرها بغرفتي
وكل حد يستغرب ويقول حلوو جذيه معودتينها عسب ماتفضح بي لمن نطلع مكان
والي يسمعها يفكره انها تبي تنام صدج
في يهااال يجلسووون يصيحون باعلى صوتهم انهم يبوون يرضعوون
ويسوون مناااااحه…
وعودتها انها تقراء قرآن معاي ويوم اصلي تصلي وفرش سجاده وتلبس حجاب ماشاء الله عليها
ومرات اخليها تقراء اذكار النوم قبل لاتنام
والحمدلله تردد وراي
بس شي مهم ابا اعودها 
عليها الحين الله يعيني بس
الحمام تكرموون
والفطام
والله يسهل الامور
ّّّّّّّّّّّّّّّّّّّّّّّّّّّّ
اما بخصوص الريـال الحمدلله كل شي اوكي من مصاريف وطلعات
بس ابا اعوده ع الاختلاط وايد يستحي مع انه من الاهل بس سبحان الله
يوم الاعراس والمناسبات والعزايم مايحب يختلط وياهم ووايد
يمكن لانه تعود من يوم صغره مع اهله واخوانه مايحتكوا بالناس
كل حد مع ربعه بس
سبحان الله
لا تفهمن غلط اقصد يعني وقت العزايم بنوصل اخر الناس وبنطلع اول الناس
ما نطول ومرات يقول مابي اروح
واروح بروحي
فهالشي مضايقني مب حلوه اسير بروحي وهو ماعندي
فماعرفت كيف اعوده وشو اسوي؟
عشان يتاقلم ويتعود
ان يوديني اي مكان اباه .. الخياط و الطلعات و الاعراس و الروحات و اليايات .. حتى لو عندي سياره هو يوديني ..
ان ياكل فواكهه و سلطات و يشرب ماي و يقلل البيبيسي .. انا ما اشرب بيبسي فهو يشتري حبه وحده مره او مرتين فالاسبوع .. و اسويله فواكهه اول الصبح يتريق ع الطاير قبل روحه الدوام و ع الغدا لازم صحن سلطه عووووووووووووووود .. ههههه
ان ويك اند في الشهر ما اروح بيتهم اتم في بيتنا و اقضي وقت مع اهلي و خالاتي و هالشي واااااااااايد مريح
الاشياء الغلط ..
عوده اني دووم اودي البنوته بيتنا .. كل يوم الصبح و فالرده .. مع ان هو كان عادي بيوديها .. الحينا ساعات اتازم اطلع متاخر فهالشي ياخرني ع الدوام .. لان مسؤوليه توصيل البنت علي .. احيانا احس ازمممة ..
عوده ان البنيه اذا مرضت انا اوديها العياده اغلب الاحيان .. هو بس وقت الطوارى يوديها .. هالشي غلط بعد
عوده اي شي انا اباه وهو مو راضي انا ادفع .. فالبدايه انا كنت اسوي جي عشان احمسه .. الحينا هو جي استوى طبعه .. مثال : هو يبا يروح ديوان محمد بن زايد في بوظبي ويرجع نفس اليوم .. انا اقوله ناخذ اجازة و نروح فندق ونرجع يقول لاء مصاريف ع الفاضي اخر الشهر وانا يكوووون في خاااااااااااااااااااااااااااااااااااااااااااطري اقوله .. انا عازمتنك عليك تحجز وبس .. والاخ ما يصدق .. يمكن لان يحاتي مصروف الشهر و انا يكون عندي فايض وابا استانس .. يمكن بس هالشي قمت احسه يزيد .. بس المهم انا استانس و اغير جو .. بس بعد هالشي غلط .. كنت لازم اقول اوكي و احاول اقنعه بس للاسف .. عطول اقوله انا عازمتنك انت بس خذ اجازة …
انا لي كلمتي و صوتي مسموع طبعا بالتفاهم و كل واحد يقول رايه بصوت مسموع
عودته يحتك باهلي و فعلا تغير و كل فترة يروح لها و حتى ف الرحلات و ها الامور احب اخليه يكون اجتماعي