ولادتي القيصريه ** في مستشفى لايف لاين ** ابوظبي للصحة

انا ربيت من اسبوعين الحمدالله ع سلامتي
وع سلامة البيبي خخخخخخخخ

المهم قبل لاربي وااااايد تعبت وانا ادور حد عنده تجربه ومربي قبلي في مستشفى لايف لاين عشان استفيد منه بس للاسف ما حصلت

المهم انا تابعت ويا الدكتورة "ميري" والنعم فيها دكتورة فاهمه شغلها عدل ومع كثر الزحمه اللي عندها بس تعطيج وقت وتجاوب على كل الأسئلة بسعة صدر لوووووول حلوة بسعة صدر

في الاسبوع 36 كنت خلاص تعباااااااااااااااااانه ومب قادرة اكمل ووانا اصلا وااايد خوافه وقاعده احاتي.. لان الدكتورة قالت لي مب زين لي اخذ ابرة ظهر لان اول ولاده لي كانت قيصرية

المهم رحت للدكتورة في الاسبوع 36 وقلت لها خلاااااااص شوفي لي حل ابا اربي قيصري لوووول
(لان ما يصير اخذ طلق صناعي ولا ابرة ظهر)
واتفقت وياها على يوم الولادة وكنت في الاسبوع 38

قالت لي تعالي الساعه 7ونص الصبح عشان يجهزوني وادش العملية 9ونص

وطبعا انا لان مواعيدي وااايد دقيقه خخخخخ وصلت المستشفى 8ونص وياي ريلي وخالتي
امي ما خبرتها قلت بخبرها يوم بطلع من غرفه العمليات

دخلوني الغرفه اللي حجزتها وهي غرفة VIP بس غرفهم وااايد صغيرة … ويتني الممرضه وضربتلي ابرة مضاد حيوي.. وركبتلي ابرة في ايدي عشان المغذي وغيره من تجهيزات العملية

الساعه 12 نزلوني غرفة العمليات والموظفين كلهم طيبييييييين والدكتور اللي خدرني حبيته خخخخخ كان هندي وااايد طيب لووووول
وهو قاعد يضربلي الابرة (طلبت بنج كامل) وعدني انه عقب العملية يشتريلي ماكدونلدز

المهم عقب ماقالي بييبلج ماكدونالد ما حسيت في الدنيا الا وريلي يوعيني ويقولي مبروووووك البيبي بخير

ورديت رقدت وودوني الغرفه ويتني الدكتورة قالت لي ان البنوته كان الحبل السري ملفوف ع رقبتها وزين اني ربيت قبل الوقت الحمدالله

طلعت من غرفة العمليات الساعه وحده الظهر.. وعطوني 3 مغذيات ورا بعض لان مب مسموح لي اكل لين الساعه 6 المغرب

الساعه 6 يابولي ماي وعقب عصير وعقب شوربة

طلعت من المستشفى عقب 3 ايام وكان المفروض اطلع عقب 4 ايام بس انا طلبت من الدكتورة وهي سمحتلي لان صحتي وصحة بنتي كانت الحمدالله زينه

الحين الملاحظات
* المستشفى نظيييييف
* المعاملة وااايد حلوة
* الممرضات يشلون عنج البيبي واييون يغيرون له بامبرز ويرضعونه ويسوون له كل شي
*الدكتورة ميري الحمدالله لا يعلا عليها (مرة يتني من بيتها الساعه 2 بالليل وعليها دوام 7 الصبح بس عشان تطمن علي)
*دكتور الاطفال وااااااااااااايد شاطر يابنات دكتور سعد

الملاحظات السلبية
*الغرف وااايد صغييييييييرة
* اي دوا طلبتيه لو حتى بنادول ما يعطونج اياه .. لازم يتصلون في دكتورتج يستأذنون واذا ما ردت عليهم ما يعطون!!!!
* ما عندهم كافتيريا اذا تبون شاي او اي شي
* اكل المستشفى اييبونه من فندق كاسلز ولشخص واحد بس!! يعني لو وياج مرافق في الغرفه ما له اكل
*اغلب الموظفين هنود

الحمدالله ها المرة جرح العملية ما يبين مب مثل اول عملية (كانت في مستشفى الكرنيش)

والتوفيق والتيسير يا بنات من الله ترى مب من المستشفى او الدكتورة بس الحمدالله انا كنت متخوفه اربي في مستشفى خاص بس الله سهل لي كل شي

تجربتي احطها لاني احيد يوم كنت حامل وادور حد يفيدني بتجربته في الخاص ما حصلت
ان شاء الله حد يستفيد من تجربتي ولاي سؤال انا حاضرة