تخطى إلى المحتوى
الرئيسية » وصل التقرير ^_^ رحلتي الى فندق أرجان روتانا في دبي ^_^ حياااكم .. للساحة الامارات

وصل التقرير ^_^ رحلتي الى فندق أرجان روتانا في دبي ^_^ حياااكم .. للساحة الامارات

الســـــــلام عليكم ورحمة الله وبركاته …..

اشحالكم خواتي سيدات الامارات ؟؟؟ ان شاء الله كلكم بخير وصحة …..

واخيرا وبعد عنااااء .. نزلت لكم موضوعي اللي تنتضرونه .. واسمحولي عالتأخيييير … وان شاء الله يعجبكم التقرير ….
ما بطول عليكم فالرمسة وبدخل فالموضوع على طوووووووووول …

اللي تبا تحجز من موقع booking ها هو الرابط واللي سعره بـ 1500 درهم هو نفس شقتي ,, بس عليكم تغيرون التاريخ وبيطلع لكم الاسعار ع اليوم اللي تبونه

https://www.booking.com/hotel/ae/arja…r_month=2017-6

ونقول بســـــــــــــــــم الله ونبدأ …

طبعا رحلتي كانت مفاجأة من زوجي العزيز .. يعني انا ما كنت اعرف وين بنسير .. بس اللي اعرفه ان بنسير فندق في دبي …

زهبنا شناطنا وأغراضنا … انا وزوجي وميودي … ^_^

وفي يوم الجمعة تاريخ 15/5/2017 .. بعد صلاة الجمعة طلعنا من أبوظبي وبالتحديد من منطقة الرحبة .. وانطلقنا الى دبي …. وبخليكم الحين مع الصور اللي خذيتها فالدرب لين ما وصلنا دبي ..

وخذنا الدوار ورجعنا .. عسب ناخذ غدانا من مطعم الصدف

طبعا اتصلنا له واحنا فالدرب عسب يزهب لنا الطلبية .. وقلنا بناخذ غدانا وبنسير نتغدى فالفندق .. لأن ميود نش من الرقاد .. ومستحييييل يخلينا نتغدى فالمطعم …

وكملنا الدرب … وطبعا لين الحين انا مب عارفة وين الفندق ؟؟؟؟؟

الرجااااااااااااااااااااااااااااااء عدم الرد … بكمل

وخطفنا عند لوحة كان مكتوب عليها ((جزيرة النخلة )) .. وانا اشوف ريلي و ابتسم .. وقالي حجزت فالأتلانتس .. وهو يضحك .. .. بعدين قالي .. لا لا لا … اصبري الحين بتشوفين

وأخيييييييرا وصلنا الفندق .. وطلع فندق أرجان روتانا …

ودخلنا الفندق .. و سوينا Check In .. وخذنا الفاتورة …

وقالوا لنا لازم ننتظر نص ساعة .. مع ان وصلنا الفندق الساعة 2 تقريبا …
ويلسنا فاللوبي ….

الرجاااااااااااااااااااااااااااااااء عدم الرد .. بكمل ….

وبعد نص ساعة صعدنا الشقة .. وقلنا بسم الله ودخلنا

وهذي الصالة … يا محلاتها .. والصراحة الصالة وسيعة ..

وهذا حمام الصالة .. تكرمون .. صغنون …

وهذي غرفتنا ..

وحمام الغرفة .. تكرمون

الرجااااااااااااااااااااااااء عدم الرد … بكمل ….

الحين ياي دور المطبخ .. والصراحة المطبخ عجيييييب .. فيه كل معدات الطبخ من جدور وصحون وخواشيق وكل شي .. يعني عادي اتييبين معاج الأكل وتطبخينه فالمطبخ .. والفرن توماتيكي .. وبعد شي فالمطبخ غسالة .. بس نسيت اصورها



وهذي بلكونة الصالة …

وهذا منظر بلكونة الغرفة ..

والحيييييين ياي دور .. المفاجأة الحلووووووة …

الحوووووووض ..

وطبعا الحوض سااااااااااااتر محد يشوفج … وترى نحنا فوق فالدور الثالث .. يعني خذوا راحتكم .. مثل ما نحنا خذنا راحتنا

وبلكونة الحوض ..

وبعد ما خلصنا جولتنا فالشقة … ياي دور الغدا .. وانا ميييته من اليوووووع ..

الرجاااااااااااااااااااااااء عدم الرد .. بكمل …

والعصر الله يسلمكم طلعنا .. سرنا مول الامارات .. ولاعة جبدنا من الزحمة .. تمشينا شوي وطلعنا ..
ورجعنا الشقة … وعالساعة ثمان ونص تقريبا .. اتصلنا بيتزا هت عسب اييب لنا العشا … وعالساعة تسع تقريبا وصلت الطلبية …

وبعد العشا .. رقدت ميود … وسرنا نسبح فالحوض والماي كان بااااارد … بس كششششخة
وهاي صور الحوض بعد السباحة .. وطبعا رشاش الحوض يتسكر عالمغرب .. ويرد يفتح الفجر ..

وخلص هاليوم والحمدلله … مر على خييييييييير ….
ونشينا الصبح .. واتريقنا … فول وكرواسون ولبنة وجبن …

وودعنا الفندق .. على امل العودة له مرة ثانية …

وفي النهاية … اتمنى التقرير يعجبكم .. والله ظهري اتكسر من كثر اليلسة … واذا ما عجبكم بس ابغي منكم تدعولي ان الله يحفظ لي أهلي وزوجي وولدي
ولا يغير علينا ويجمعنا في جناته .. آآآآآآآآآآآآآآآآآآمين

والسموووووووووووحة عالاطالة …

رووووووووووووووووووووووووووووووووعه
الحوض
والمكان اروع
تسلمييييين

رووووووووووعة الفندق

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.