اخواتي الغاليات اللي الله عزوجل رزقهم بالذرية .. عسى الله يبارك فيهم ويكونون من الذرية الصالحة .. ان شاء الله
واخواتي الغاليات واللي للحين الله عزوجل ما رزقهم بالذرية .. ان شاء الله ربي يرزقكم ويفرحكم اللهم امييين ..
اخواتي طبعا اولا واخيرا كل شي بيد الله عزوجل و باقي الامور تكون سبب من الاسباب .. وبذكر لكم قصتين ..
القصة الاولى ( عنوان الموضوع )
انا عندي خادمة اندونيسية اشتغلت قبل في امارة ثانية .. ومرة ونحن نسولف عن الحمل قالت لي انه المدام اللي كانت تشتغل عندها عندها اخت متزوجة من عشر سنوات وما حملت .. فقالت لها الخادمة اشربي على الريج ماي الناريل او ماي جوز الهند ( فاكهة ) .. وقالت تمت كل يوم تشرب وريلها يشتري لها بكميات كبيرة .. لما يا يوم ودخلت هالاخت وايدها محملة بالهدايا للخادمة فاستغربت سالت ليش ؟؟ قالت لها انا حااااااااامل .. وتموا يشكرونها والحمد لله الحرمة يابت ولد الله يخليه لهم ان شاء الله .. فرجعت وسالتها انتوا في اندونسيا اللي ما تحمل تشرب ناريل قالت ايوه .. فقلت بخبر كل وحدة اتاخر عندها الحمل لعل الله يجعله سبب من الاسباب .. وتحمل ان شاء الله
القصة الثانية ( عن تاخر الحمل )
مرت اخوي اتاخر عندها الحمل 3 سنوات لان هرمون الحليب كان عالي عندها .. والمسكينة ما خلت دكتورة وما راحت لها ولا حرمة او داية الا سارت عندها .. وصرفت كل فلوسها على العلاج .. وما كان يصير حمل حتى انه وحدة قالت لها احرقي بين اصابع اريولج والله انها حرقت بينهم وبعد ما حملت وقالوا لها خلي وحدة مربية تحلب على راسج هم ما صار حمل واضطرت انها تسير لوحدة طلعت اخر شي دجالة وهي مب مقتنعه بهالاشياء بس من كثر ما يئست ومن بعد ما ريلها عرف بالسالفة رفض انها اتسير اي مكان بدون علمه وتتوكل على الله .. ومن بعدها قامت تستغفر وتابت من هالشي .. وبعدها سارت تتعالج بالاعشاب يمكن لمدة شهر او شهرين ويئست عدل واخر شي قالت جدامي خلاااااااااااااااااص انا بتوجه الى الله بالدعاء والقران .. والله من قالت هالكلمات ما مر ثلاث شهور الا وهي حامل .. والحين ما شاء الله عندها 3 اولاد الله يخليهم ويحفظهم ان شاء الله .. والله يرزق اللي ما عنده ان شاء الله
والسموحة خواتي
اخلوا النيه لرب العباد …….
هو القادر على كل شي ………
الله يعطيها ويعطي كل نساء المسلمين …….غمين
مشكوره ..
اخلصوا النيه لرب العباد …….
هو القادر على كل شي ………
الله يعطيها ويعطي كل نساء المسلمين …….غمين
مشكوره ..