خواتي عندي وصفة لتقشير الجلد الميت من الشفايف ولتخفيف السواد منها وتفتيحها.
هذه وصفة شخصية مب منقولة من أي مكان والله على ما أقول شهيد.
كان عندي اسمرار في الشفايف مع أني بيضاء البشرة, بس يمكن لأني أول كنت أستخدم أحمر الشفاه, بس الحمدلله من سنتين الله هداني ووقفت تماماً وصرت بس أستخدم مرطب شفاه بدون لون .بصراحة إسمرار الشفاه ما كان هامني وما كنت أفكر أعالجه ,بس بعد ما شفت النتيجة لاحظت الفرق الواضح .ما بطول عليكم هذه الوصفة :
بالليل أدهني الشفاه بالمرطب أو جل الفازلين وأنتظري 5 دقائق وبعدها جيبي نقطة من زيت النعناع الأصلي( يباع عند العطارين أو اللي يبيعوا الزيوت الطبيعية) وأدهني الشفتين بالزيت, مهم لا تكثري بس نقطة, بتحسي بحرقان في البداية عادي, شوي وبيخف بس لا تغسليه ونام به للصبح والصبح عادي غسلي وجهج وأسنانج وحطي مرطب الشفاه , بتلاحظي بعد ساعات جلدة الشفاه بتنسلخ طبقة وحدة( هذا اللي صار معاي) شيليها برفق , وأستخدمي مرطب. بعدها شفايفج بتكون حساسة ومحمرة ويمكن فيها جروح بسيطة ومشدودة , حطي عليها نقطة عسل نحل طبيعي , وتركيه عليها, كرري أكثر من مرة في اليوم.لين يروح الشد والإحمرار وتشفى الجروح لو فيه جروح.
بعدها جيبي جل فازلين الي غطاؤه أزق غامق( الأصلي) واللي خالي من الروائح وخلطي كمية منه مع كمية بسيطة من بودرة العكر الفاسي ( دم الغزال) وأستخدميها كمرطب للشفاه بس بالليل لأنه الفازين ما يصير تطلعي فيه تحت الشمس يسمر. وفي النهار حطي مرطب شفاه مع حماية من أشعة الشمس وأستمري على إستخدام المرطبين . هذه وصفتي وأنا جربتها شخصياً قبل وشفت النتيجة على نفسي , لأني ما أحب أكتب عن شي ما مجربتنه.
الحمدلله شفايفي راح منهم السواد تماماً وصار لونهم وردي فاتح .
تحذير: اللي عندها حساسية من زيت النعناع لا تستخدمه, لا تخاطرن لو سمحتن.
خواتي مهم تلتزمن بالوصفة بالضبط, يعني قبل ما تستخدمنها تحطن مرطب قبل الزيت ,لأن الزيت يحرق ويمكن يجيب نتيجة عكسيه لو ما حطيتن المرطب قبل, بعدين لا تستخدمن الزيت إلا مرة, ولو إحتجتن تعيدين الوصفة , لا تستخدمهن الزيت قبل أسبوعين على الأقل.لا تطلعن وصفة الفازين في الشمس علشان ما تسمر الشفاه. أحسن علاج لتشقق الشفاه ولتغذيتها ولعلاج جروح التقشير هو عسل النحل الطبيعي والأصلي.
أتمنى الوصفة تفيدكم مثل ما فادتني.
اول مره اسمع بزيت النعناع ، الله
يعطيييج الف عاافيه
