ورق * ورق – دلــــــة قــــــهــــــوه … أشكال ثلاثية الأبعاد – بفن لف الورق للعروس

السلام عليكم
يالسه أجهز لموقع بيكون فيه عرض لصور كل شغل الورق اللي أسويه ..
اللي طلبوا دلة قهوه .. هاذي الدلة .. بس الصورة الفنيه خليناها للموقع

كنت مسويه دلة جاي من زمان .. والحين دله عربيه بالورق الفضي

ابداااااااااااااااااااع
بالتوفيق

حلووو ماشاء الله

سؤال 1
كم من ورقه تقريبا لزقتيهم مع بعض حق جسم الدله ..؟؟

سؤال 2
إذا ضغطي على الدله من فوق ما تدخل الأوراق في بعض ..؟؟

الله يوفق الجميع ومشكوره حبوبه

والله ابدااع ماشاء الله عليج
ربي يحفظج

جسم الدله الله يسلمج 15 شريط
عرض الشريط 18 انج .. كل شريط طوله تقريبا في حدود 20 إنج

الغاليه تسوينها على مراحل عشان ماتدخل الأوراق
يعني تسوين شي .. تلزقينه بالصمغ لين ينشف عقب تحطين اللي فوقه ..
نفس الحركه اسويها في أي مجسم ..
المشكله أنه هالورق متاليك وماينشف بسرعه تعبني .. الورق العادي مايسوي مشاكل

وعادي تسوي .. شي أوراق تدخل في بعضها .. وشي أوراق تنفلت .. والواحد يمشي حاله ..
بس لأني خلاص تعودت الحين اقدر امسك الورق شوي شوي ..

بس في الأخير ترى هاذي شغلات للعرض .. والورق بسهوله يخترب .. يعني بنت اختيه شلت شغله ثانيه وعصرتها ..
في دله ثانيه سويتها طلعت طويله جان أضغط عليها من فوق وغاصت استوت اقصر .. مع أني ملصقتنها عدل والصمغ ناشف ..

حبيبتي مشكوره على هالدعوه الحلوه والله يحفظج يا رب