انا في بداية حملي ووحامي ذابحني مو قادرة اكل ,, اول مااصحى الصبح اتم استفرغ لين المغرب ولوعه وحالة ,,,,,,,,,, الطبيبة وصفتلي حبوب اسمها نافوجستين بس كلش مانفعتني ياليت اللي تعرف اكل معين يهدا المعده شوي او نوع من الشاي لاتبخلون علي 
– الموز…
– رقائق الكورن فلكس الجافه او البسكوت الخفيف خليه عالكومودينو عدال راسج من المسا.. اول ما تقومين الصبح قومي شوي شوي ولا تنزلين من السرير وكلي كم حبه وعقب ربع ساعه انزلي من السرير..
– اللبان مثل سماره او "علج الماي" بعد مفيد
– تجنبي اكل المقالي تماما وخاصه في اول ٣ اشهر وابتعدي عن الاماكن اللي فيها رائحة القلي لانه من اعداء الوحام وتجنبي الاكلات الحاره او السبايسي لانه تزيد معدل الحموضه والحرقه واللوعه
– تناولي ٦ وجبات صغيره في اليوم ولا تاكلين ٣ وجبات كبيره هالشي بيخفف اللوعه والحرقه
– لا تاخذين الفوليك اسيد اللي يكون مع الفيتامينات مثل البريناتال انه يسبب لوعه فظيعه.. انصحج في الثلاث اشهر الاولى تاخذين الفولك اسيد ٥ مجم حبه في اليوم من شركة جلفار ممتاز جدا وما يسبب اي لوعه.. بعد ما تعدين فترة الوحام خذي الفوليك اسيد المدعم بالفيتامينات..
– خذي حبوب كالسيوم بالاضافه للاكلات اللي تختوي عالكالسيوم مثل الحليب والبروكولي والسبانخ والعصائر المدعمه بالكالسيوم وسمك السردين وسمك السلمون والتوفو (التوفو منتج من الصويا لكن لا تكثرين منه)
– اذا حسيتي باللوعه او الانتفاخ او الاسهال او غازات بعد شرب الحليب احتمال يكون عندج مشكله مع اللاكتوز فممكن تاخذين حبوب بديله تعوضج عن اللاكتوز في الحليب
– تجنبي شرب السوائل اثناء تناول الطعام.. عقب الاكل افضل بوايد
– شاي النعناع (منقوع النعناع المغلي بدون شاي) ومنقوع الزنجبيل يخفف اللوعه بشكل كبير… ابتعدي عن الكافيين تماما مثل القهوة والشاي والكولا والمشروبات الغازيه
– جربي تاكلين بعض انواع الاكل وهو بارد لانه يخفف اللوعه..
– حاولي تخففين او تبعدين عن فيتامين "أ" A في فترة الحمل وخاصه الثلاث اشهر الاولى
وما تشوفين شر وعسى الله يتمم حملج بالخير