…خلوني اتاقش معاكم بهالموضوع واسمع وجهه نظركم , =)…
هل من حق الزوج يفتش تلفون حرمته ويقرا المسجات على كيفه ..من دون مايراعي
خصوصيات الناس وان في مسجات للبنات خاصه بهم مثل مثلا صوره حناها(علما ان البنت تمسح
الصور لان خصوصيات ناس بس عادي مثلا تنسى في يوم والا هي تطرش وهو يفج ) والا
والا سالفه لها .. والا سؤال تساله ؟؟ وتنبهينه على هالشي … ولكن مايسمع الرمسه …
وبنفس االوقت لو انتي مسويه له مفاجاه عن طريج شركه توصيل … ويوم يتصلون بج
يفتح الكيس جدامج قبل مايعطيج الكيس وهو مايدري هالكيس شوفيه ..وانا احس
من العين ومب من الاحترام يفج الكيس يمكن هالجيس فيه شي ؟ّ مب لها ؟؟؟
وبنفس الوقت ,, لو نسيتي نكج مفتوح بالمدونة او مسجله بنك ثاني مثلا مستعمل
لاكثر من بنت وييي ووويجيك عليه ويشوف المشاركات ويقرا …..؟؟
بدون ايي استتأذان وكم مره تقولين له ويقول اوكي ويرجع لهالحركات ؟!
وبنفس الوقت لو طلبتي منه ييب لج شي وطاح من هالشي مثلا ( كتاب ورقه تخصج )
بدون مايسالج مال منو هالورقه يفجها ويقراهاا ّ وهي فيها سالفه ناس وتقولين له
لو سمحت هات الورقه … لانه موقف ويمكن الموقف كبير .. بس هو مب راظي ويسير
ويقراها غصبن عليج ؟! ذمتكم هذا من حقه ؟
مش محترم خصوصيات الناس لاتلفون ولا رسايل بنات المدونة الاقارنهم ؟؟؟
ومره من المرات … انتي مطرشه لتاجره تبين شي منها ..ثياب وقمصان وهالسوالف
ويسير يفج الصور ويشوف الرساله ويقراها ويي يقولج والله انا قريتها وشفت الصور
ويظحك !! والصور صور حريم هو فتحها مايدري فيها صور حريم (عارظين ملابس )
واحسها مب حلوه ! وماحبيتي هالحركه كيف تغيرينيه !؟
وكل ماتبين تسوين له مفاجاه ينهي المفاجاه بظرابه ّ لانه يكون عارفنها قبلج !!
مب قهر ؟ كل جيس يخصج يفجه قبلج ,, وماتحسين بقهر؟
والاتحسون الامور جدا عاديه والبنت مكبره الموضوع ؟ّ
البنت ماقامت تحس بخصوصيات لاربيعاتها ولا هم يحزنون … ماتقدر ترمس
بسوالف جدام ريلها لانه يدققق ويقول ليش قلتي جيه وسويتي جيه ؟
من حقها البنت تظيج وهي تشوف ان ريلها كل مارقدت سوا حركات ونش
الصبح وقالها والله انتي كتبتي بالرساله جيه !؟ ومطرشه جيه ؟؟؟
من حقها البنت لو متعبه عمرها على مفاجاه تلاقين الريال عارف كل شي
لانه ماخلا لها مجال تفاجاه لانه يفتششش ّ,, وفكرت تسكر موبايلاها لانها تظايجت
احيانا رربعها ,, يطرشون لها اساله خاصه شوي يستفسرون منها لانهم ماعندهم خبره
ببعض الامور والبنت مب قادره تساعد حد سبته ؟! اذا مسحت الرسايل يمكن ترقد
ويوصلها مسج وريلها يقراه ؟ّ وبنفس الوقت ماتحب تقول لربيعاتها …لاتطرشون
ولاتسالون ولاتكتبون اي شي لانه التلفون مراقب وهم بيشكون انه شاك فيها مثلا؟
يوم اسالينه يقول هذا طبعي وانا دوم جيه ؟؟؟مع ان البنت تحترمه
قبل ما تمسك ثوبه تستاذنه وتقوله بيود بوقكك بظهر منه فلوس ..
بمسك تلفونك بشوف الاستديو ,, بدش سيارتك ولو فيها شي ماتحبني اشوفه ,,
خبرني ( مثال )تستاذنه قبل كل شي / وهو مش معتبرنها ,,
ربيعتها مره طرشت لها نكت وهم من ربيعاتها ثنيتين يطرشون نكت بس تحصلونها شبابه شوي
وجدامه ترمسهم وتقول لوحده منهم شو هالمسج خخخ صدج انه شبابي … وبالرغم
من ذاالك يقول هذا المسج مب مال بنات ؟؟؟
واتصلت بربيعتها وقالت لا لاتطرشين مسجات جيه والبنت قطعت من هالمسجات صح
بس منقهره انها مب قادره تستحمل هالوضع لانه مؤثر في نفسيتها ومخلتنها مب مرتاحه
لهاي الحركات لانه اتحس انها مراقبه وكل ماتبى تسعده يغصص عليها انه يكتشف هالشي
قبل ماتسويه
رجاء حار محد يغلط على الريال ولكن حابه اشوف وجه نظركــــم ,,,
وهي بنفس الوقت عارفه انه بيطمش عالموضوع وبيعرف انه قاصدته
بس خلاص هي تعودت على هالشي ,,
اما بخصوص الموضوع صح ان الزوجين ما تكون بينهم اسرار ويتشاركون في كل شي بس احس انه وايد مزودها يعني ان الحرمه اهي اللي تراقب كل شي مو الريال بس ما دام انه طبع فيه فحاولي تسوين باس وورد للكمبيوتر والتلفون واذا سالج قوليله عشان اسويلك المفاجات وما تخربها علي………….
شو اتسوي الله يهديه .. بس مافيها شي إذا بتقول حق ربيعاتها انه لا اطرشون شي يخص
البنات وسوالف البنات .. وتتعذر بأنه هي و ريلها ماعندهم أسرار وكل واحد ياخذ تليفون الثاني
فمنعا للإحراج للبنت فقط لا غير .. وعقبها اتعامله بالمثل لفتره .. يعني اتفتش تليفونه أونه تاخذ مسجات حلوة
من عنده .. تاخذ مفتاح السيارة وتفتح السياره أونه اتنظفها من الغبار واتلمعها .. وإذا اتضايق منها اتقوله هذا مب
طبعي .. بس عشان تقتنع أنه يضايق يوم حد يتدخل في خصوصياتك .. عسى يفهم ويتعظ
الله يهديه
المشاركة الأصلية كتبت بواسطة miss-hamda 
اما بخصوص الموضوع صح ان الزوجين ما تكون بينهم اسرار ويتشاركون في كل شي بس احس انه وايد مزودها يعني ان الحرمه اهي اللي تراقب كل شي مو الريال بس ما دام انه طبع فيه فحاولي تسوين باس ورد للكمبيوتر والتلفون
الله يبارج فيج الغلا ^^
وانا اشوف هالشي لان البنت تقوله كل شي
وكل شي يخصهم تقوله .. بس في اشياء ماتقدر
لان في ناس داخلين فيها
بس هو ربي يسامحه … يدخل بكل الامور ,!
الواحد يظيج ..
,^^
مشكوره ع المرور ^^
المشاركة الأصلية كتبت بواسطة نبع الإبداع شو اتسوي الله يهديه .. بس مافيها شي إذا بتقول حق ربيعاتها انه لا اطرشون شي يخص
البنات وسوالف البنات .. وتتعذر بأنه هي و ريلها ماعندهم أسرار وكل واحد ياخذ تليفون الثاني
فمنعا للإحراج للبنت فقط لا غير .. وعقبها اتعامله بالمثل لفتره .. يعني اتفتش تليفونه أونه تاخذ مسجات حلوة
من عنده .. تاخذ مفتاح السيارة وتفتح السياره أونه اتنظفها من الغبار واتلمعها .. وإذا اتضايق منها اتقوله هذا مب
طبعي .. بس عشان تقتنع أنه يضايق يوم حد يتدخل في خصوصياتك .. عسى يفهم ويتعظ
الله يهديه
وانا معاج في وجهه نظرج … كل شي له حدود , والله يعين كل من ابتلى بهالطبع ؟
خس الله هالطبع ..االاستئذان دليل على انه يحترمها وهو ماحشمها … وخل يقرا كلامي
لانه حافظ نكات ربيعاتها ومتوقع يكتبون ,
كان يفتش تلفوني وصدته كم مره وقلتله انا مايعجبني كذا وقم يرمس لين مايشبع وانا ضاربتنه بو لباس ووايد يضايقني بس ماسكت له واتم مبوزه عنه كم يوم بس شفت هالشيء مافيه فايده وانا بطبعي ماحب افتش واسال من متصلك ووين رايح يوم شفته جي غيرت اسلوبي 360درجه
بعدين بديت ابدا منحنى جديد وين طالع ووين رايح وليش وافتش بتلفونه ولو مايعجبه اقوله عادي تراك انت تقول ماشي بين الزوجين واسال من ترمس وليش تسلم على ذي المهم طفرت فيه وتادب وتو يخاف مني اني انا اجيس له تلفونه بس ناغزني قلبي ان عنده شيء مخبيه واحاول اعرف واصيده بس للحين مااقدرت
وترا الرياييل عكثر شينهم ياقو عينهم