اول شي تسونه ولعوا على الفرن اعلى درجه واتركوه مشتعل
المقادير
حبه دجاجة
اربع كاسات رز
بصله مقطعة جوانح
نص كوب زيت
مكعب ماجي مذوب في نص كوب ماء ساخن
(بهارات الرز)
ملعقة اكل كمون حب وزيها كزبره
هيل حب
مسمار حب
قرفه
ملح حسب الذوق
نص ملعقة صغيرة معزز نكهة
حبتين ليمون ناشف
ثلاث حبات فلفل اخضر
(بهارات الدجاجه)
ربع كوب زيت
ملعقتين اكل كركم
ملعقة اكل كمون وزيها ملح
ملعقة صغيره فلفل اسود وزيها فلفل احمر وزيها معزز نكهة
عصير ليمونه
نص ملعقه صغيره ملح ليمون
الطريقه)
نظفو الدجاجه زي الناس واقسموها نصين
وبعدين اخلطو بهاراتها المذكوره فوق ونقعو الدجاجه فيها
موشرط وقت معين بس كل ما طولت كانت اطعم
بعدين ولعو الفرن على اعلى شي
جيبو قدر واطي يعني زي الصينية المرتفعه وحطو فيه الرز
بعد ما تكونو غسلتوه ونقعتوه تمام وحطو الزيت
والماجي المذوب في المويه والبهارات حقت الرز
وبعدين خذو ورقتين قصدير على قد القدر وغطو القدر فيها زين
وجيبو شوكه ولا عود اسنان وخرمو القصدير عاد انا اخذت عود الشوي
وشوفو ايش سويت <<<<<خرمت القصدير
وبعدين تاخذون الدجاجة من تتبيلتها وتحطونها فوق القصدير اللي خرمتوه
بعدين جيبو كمان قطعة من القصدير وغطو فيه الدجاجه والقدر سوى ودخلوههم الفرن
ايوه ايوه على طاري الفرن خلو اللي تحت شغال بس وبعد ساعه ولعو اللي فوق عشان تتحمر الدجاجه لمدة نص ساعه يعني التوتل الكلي ساعه ونص ********ساعه من تحت ونص ساعه من فوق
وبعد ما يخلص الوقت طلعو القدر من النار<<<<يييوووه ياجماعه اسف قصدي الفرن
وراح يكون الطبق بعد التقدبم كذا
وتسلمون وعليكم بالعافية منقوووووووول
بس ما فهمت طريقة الرز
كيف بينضج الرز في نص كوب ماي بس ؟ ومقادير الرز 4 اكواب ؟
@@ من اول لاني ما فهمت
بالعافية
تسلمين ع الطبخه اللذييييذه
ما يندرى ادعيلج ولا ادعي عليج ههههههههههههههههه
اتمصخر