عساكم بخير و سهاله يارب ..
انا عندي مشكله او مصيبه و ماعرف من وين ابدء او حتى من وين انتهي !!
انا ماعندي ام ولا اخت نفس الناس .. واعرف الكل بقول لي لا مب صح بس والله العظيم وربي شاهد ع كلامي ان انا اشوف الويل كل يوم ولي يصير لي حتى اليهود مايسونه لعيالهم 
ممم بقولكم كم موقف عشان ما اطول ..
انا عمري 23 سنه وطالبه فالكليه HD3 المهم انا مع اختي مووول ما نتوالف ابدا يعني هي عندها عيد اذا شافتني اتعذب ..
امي اذا تبا شي مني بس اتحبني و اتعاملني زين غير جي اعوذ بالله منها
المثل يقول الجنه تحت اقدام الامهات .. بس انا اظني ان جهنم تحت ريل امي ( السموحه بس هذا الصدق )
انا من كنت في الثانويه العاامه وقفه الدوره اتيني من كثر مانفسيتي كانت تعبانه وبعد ماكمله سنه مايت خبره امي .. شو تتوقعون سوه !!
ههه .. راحه اشتره كاشف الحمل وخلتني اجربه جدامها !!!!!!
وقبل فتره يمكن من سنين كنا في بيت يدي و امي جدام الكل قال عني ( هي بس ذقه انا ذقيتها لا اكثر و لا اقل ) السموحه ع الالفاض يعني
بس انا والله كنت صابره و متحمله
هي مرضه قبل شهرين و سوت عمليه وقسم بالله اني وقت معاها اسبوع فالمستشفى معاها لدرجه حتى لم رده البيت كنت ارقد س 12 فليل و انش س 5 الفجر اسبحها و اغسلها و داويها اكلها اشربها
حتى شغل الكليه كنت اجله ليل اخر الليل اسوي بس عشان اداريها
وفالاخر اتقول ان انا ماهتميت فيها بس كنت طول الوقت اغازل فالفون ..
وع فكره انا لابي + الفون كل يوم بليل س 9 احطه عندهم فالغرفه بس عشان مايقولن اسوي شي غلط
وكله يالسه فالصاله بس اذا عندي امتحان اتم في غرفتي
وبعد الرمسه تطلع
بس الحين لي خلاني انفجر هو …
قبل اسبوع كان يوم الاحد اخر اسبوع من الاجازه ماكان شي حد فالبيت امي طلعه ومارضه تاخذني معاها
و تميت مع اخوي و بعدين هو بعد طلع و صفيت روحي طبعا هذا كان الصبح .. المهم انا كنت ارمس ابوي و ارمس ربيعتي ع الفون فون البيت طبعا ..
ولم صارت س 12 قلت بسوي رياضه لبست و طلعت فالحوي قلت بجري 20 دقيقه لين ما ياذن وياااااريت ما طلعت فالحوي
امي اتصلت ع البيت و محد رد و قلت الاختى اتروح اتشوفني و الاخت الحلوه قلت لامي ان انا كنت متلبسه و متعدله و طالعه مع واحد ظهر البهااااار !!!!!!!!!!!!!!!!!!!!!!!!!!!!!!!
هني عاد امي ماصدقه اتحصل شي عليه ياااسلام
رجعت البيت و انا ماعندي خبر بالموضوع سحبتني للغرفه و تمت تضربني بالعصى عشان اعترف باسم الولد و شو سويت معاه
حلفت ع القران ان هي الرمسه مب صدق بس لا هي ماصدقتني
والله مليت كل يوم قصه يديده .. كل يوم اتسوي مشكله
ونسيت اقولكم بعد ان امي حاولت كم مره تذبحني والله بس دوم رب العالمين يطلعني من ايدها
وهذا وهي كانت بيوم من الايام مديره مدرسه
حتى الزواج ماتخليني اتزوج كل مايتقدم لي واحد ترفضه ع اساس ان انا مب ادميه و مب مال زواج
ادعي في صلاتي اموت بسرعه
شو اسوي بعمري ماعرف والله
غاليتي 
أتمنى ما تزعلين مني
بس من الي قريته وما حسيت فاي لحظـة ان أمج مجرمـة وما تحبج
بالعكس أمج تخاف عليج وتحاتيج ^^
صح ان شخصيتها بعض الشي ضعيفة وتنساق مع الكلام
بس هذا ما يمنع انها تحبج غاليتي
ترى مرات أهلنا يضربونا لإنهم يحبونا ^_^ !!!!!
من خوفهم علينا وخوفهم ان نحن نسوي شي غلط بنندم عليه طول عمرنا يضربونا !
صح ان الضرب صعب ومب حق الإنسان
لكن فاقد الشيء لا يعطيه
اذا هم تربو ان الضرب هو الي يربي فللاسف يمارسون نفس الشي مع عيالهم
عاملي أمج بالحسنى أختي
وخذيها على قد عقلهـا
وحاولي أختي تصلحين علاقتكم بالكلمـة الطيبـة
وأختج تراها أختج لحمج ودمج تقربي منها يمكن شالـة في خاطرها منج
واستهدي بالله أختي
وان الله مع الصابرين
دعواتي معج ..
لا حول ولا قوة إلا بالله
ما اعرف شقولج ..؟؟
الله يهديهم والله يعينج ويصبرج يا رب ويرزقج بالريال الصالح لي يسعدج ويعوضج ^^
ان انج تدعييين له بلهداية ويحننن قلبة عليج حرام جي يسوووووووووون
تقربي من ربج واستغفري الله مهما كان هاامج
واصبري واصبري لين الله يفرجة
قلبي معاج والله
اذا انتي مظلومه الله بياخذ حقج
وصدق الله يعينج ويصبرج خلي علاقتج مع الله قويه صدقيني بترتاحين