والله تعبانه من كثر تفكير الي عرست والي عندها خبره تساعدني الله يفرج همكم يارب
انا زهبتيه + مهر =100الف وعقد الرئسي ودبله وساعه عليه الريال
والله ياخواتي ماعرف شو اسوي وعرسي شهر 2 ماخذيت اشي شي لين الحين ساعدووني بلييز ماعرف اقسم البيزات وماعرف شوو اخذ وكم افصل مخور واااالخ انا اعتبروني اختكم ساعدوني خبروني شوو اسوي والله اني تعباااانه من تفكيرر واحس بضيق بصدري كل يوم اني ماسويت اي شي والعرس قريب.
وين اخذ قمصان نوم حق اول ليله وكم قمصان نوم اخذ وكم افصل عبايه كل شي خبروني بلييز .gif "12 (8)")
عندج وايد محلات تبيع قطع حلوة بما اني في دبي بقولج وين الاماكن
سيري صووب الرخام والمنال بس قطع الرخام وايد حلوة وارخص من المنال
اخذي لج 10 مخاوير سويهن كلهن فيهن شغل
وفصلي 5 جلابيات خفيفه يعني بدانتيلات او شي خفيف في وايد خياييط حلوة في سوق المرر
وفصلي لج 2 مغربيات حلوات وعمليات بتستفدين منهم وقت العزايم او التجمعات العائليه
وفصلي لج مغربي في شغل حق الصباحيه
وفصلي 2 عبايات عمليات حق السفر وغيره
وفصلي 3 حق طلعات يعني فيهن شغل حلو وسيري عيمان او الشارجه عندهم ديزاينات حلوة واسعارهم بعد حلوة
وفصلي 2 عبايتين للمناسبات
واخذي لج 3 شنط طقم مع الشوز
و2 شنطتين عمليات
واخدذي لج نعلان للطلعه وحق البيت
وسيري سوق الصيني واخذي لج ظققم شنظ الزهاب
وسيري الملا بلازا واخذي طقم روب لج ولريلج
وبالنسبه لقميص نوم اول ليله انا انصحج تسيرين المنال في محل اسمه بشار عنده كولكشن حلو
وفي بعد محلات من نفس الطابق اخذي لج مثثلا
3 طوال
5 قصار
5 بيجامات قصار ( شورتات ) من ومن سيكرت او من اوشو
3 بيجامات قطن حق يوم بتييج الدوره
واخذي 20 اندر وير
و4 اطقم راقيه من الاندر وير
وبتلقينهم في كل مكان اخذي من ماكس وسناء اللي صوب بوهيل ومن نعومي ولاسنتزا
واخذي لج مكياج + عطورات + لوشنات للجسم
بس لاتكثرين منهم
وبععععد اخذيلج ( سشوار وجفف الشعر وماكينه للشعر )
وشباصات + اكسسوارات بس انصحج تاخذينهم مطليين بالذهب عسبه يكدون وياج اكثر
سيري محل اسمه الوشيعه وبعد في القريه التركيه واللبنانيه في القريه العالميه
4 بدلات كشخه بتلقينهم في مانجو وزارا ودبنهامز منزل اشياء حلوة وغيره من هاي المحلات
واخذي لج ساعه ذهبيه وفضيه
وساعه سوده عمليه
واخذي لج ظقم شيله الصلاه مع سيادتها
ومسك العروس اخذيه من عبد الصمد القرشي
بس مسك الطهاره ما انصحج تاخذينه لانه ريحته مب حلوة وانتي وراحتج
واخذي لج عود معطر بعد من عبدالصمد وااايد حلو اخذي 2 ب400 ويعطيج واحد مجاني
وبالنسبه للفستان انا انصحج بريم الحوسني او حصه بورقيبه
وبسسسس اذا في شي بقولج
موفقه عزيزتي ^^
وكل ما تطلعين السوق اشتريج الاشياء الباقيه بس اهم شي تكونين كاتبه ومرتبه كل شي
وبالتوفيـــــــــــــــــق