والله بدعي لها من خاطري : كيف اعلم ولدي انه يستغني عن الحفاظه ؟؟؟

هلا حبيباتي
مثل ما قريتن يا أمهات …
متى اعلم ولدي انه يستغني عن الحفاظه ؟ وكيف ؟

اتمنى من الامهات يخبرونا تجاربهن وخبراتهن ^_^
ترى ولدي عمره ( سنه ونص )
الله يحفظه ^_^

اترياكن حبيباتي ^_^

انا بنتي عمرها سنتين وابى اعلمها على الحمام

حرام بعده صغيروني

انا ولدي باجر بيكون عمره سنتين وخمس شهور
احاول اقوله يوم تبا الحمام قول حق ماما بس مايقول عقب حاولت ايلسه عالحمام ما يسوي شي

ماحد عذبني كثر ولدي العود ..

كان عمره سنتين وكم شهر … اقعده في الحمام اقوله يالله طلع البوله خخخخخخخ يقعد ينفخ لي .. ويعصر بطنه مب عارف شو السالفة ..

ابدي وياه انج اتيبين له الهافات الي فيها بلاستيك عشان ما يوصخ الدنيا وياه .. وعوديه يقعد في الحمام نفسه مب اتيبين له الكرسي الي ينحط في اي مكان لا ..

خليه يعرف انه الحمام هو المكان الي يسوون فيه هالشي .. ولو في ياهل ثاني اكبر عنه يراويه يوم يبول الله يعزج بيتعلم بسرعه منه ..

هاتي له القعده الي تتركب على المرحاض .. وخليه يشوف غيره من اليهال وبيسويها

بتتعذبين وايد .. بيوصخ لج مرة و 2 و 10.. لين ما يقدر يتحكم بعمره .. عقب من يبدا يفهم بيجز لما بيشوف ملابسه وصخه ..

بس عموماً انا احس ولدج صغيير شوي بس ما يمنع انه اتدربينه شوي لو في اليوم مرة او مرتين .. لأن الياهل ما يتعلم هالشي لو مب متهيأ نفسياً

صح لازم تاخذينه انتي للحمام اول فتره يعني لا تترينه يطلب لا .. انتي قايسي له مثلاً اول ما ينش من الرقاد .. وكل ساعتين او على حسب دخليه الحمام مستحيل بيطلب من البداية