(والله أنها ذكية قدرت تسحر زوجي بتصرف بسيط ما ياخذ منها ثواني ) المومة و الطفل

السلام عليكم ورحمة الله وبركاته

على كثر ما أقرأ وعلى كثر ما أتابع وأسمع ما نفع فيني …

ولا فكرت بأهمية هالنقطة …

أنا ما أقصر مع زوجي بشي ..

أي شي أسمع أنه يجدد في الحياة ويخلي الزوج ينبسط أسويه ..

وكنت دايما أسمع أنه على الزوجة فن لابد أن تجيده مع زوجها ..

ألا وهو ..

:: فن الاستقبال والتوديع ::

كلما أسمع عنه أجتهد يوم يومين وأملّ وانسى ..

يجي زوجي وأنا نايمة أو أشتغل أو عند النت ما أقوم إلا ما ندر ..

ويطلع وأنا بمكاني ..

لكن ..

— هـي —

قدرت تبدع بهذا المجال لدرجة أنه صار يحبها لحد الجنون

لا يروووووووووووووح فكركم بعيد أنا اقصد بنتي عمرها سنة ونص ,,,

من يوم تسمع صوت المفتاح بالباب ..

تركض ررررركض لدرجة أنها تطيح مرتين أو ثلاث من الطفاقة ..

وتوصل عنده وتحضنه وتنطط من الفرحة ..

وإذا بغى يطلع تعالوا شوفوا المناحة ..

يعني لازم يتخبى وهو طالع عشان حضرتها ما تزعل ..

وش نتايج هالتصرف ..؟؟

صار إذا دخل البيت وما أستقبلته يسأل عنها ..

وإذا كانت نايمة يقول صحيها ولازم يجيب لها هدية من البقالة .. !!

إذا زعلت منه تصارخ عليه ومع ذلك يجلس يترجى فيها << يقهرررررني ..!!

الزبدة من هالموضوع :

<< كــل وحــده تراجع نفسها >>

أين أنتِ لحظة دخول زوجك ..؟؟

وأين أنتِ لحظة خروجه ..؟؟

الزوج يحتاج إلى كلمات الحب وكلمات الشكر والعرفان في هاتين اللحظتين ..

ليشششش ..؟؟

حتى إذا خرج تبقى هذه الصورة الجميلة عالقة في ذهنه ويتمنى أنه يعود للمنزل ..

وإذا دخل يكون مرتاح نفسياً معكِ طوال اليوم ..

وما ننسى الابداع والابتكار في ~ الاستقبال والتوديع ~

لأنها تنشط العلاقه وتبعد الروتين ..

(( واللـــــــــــــــــي عندها أفكار لاتبخل علينـــــــــــــــــــا )) ..