واصلة حدي و ابغي اطلع ،،،،،،،،،،،، رعاية الاطفال

برمسكم عن تفاصيلي المهمة ،،

انا متزوجة كملت سنة و الحمد الله ،،
اجلت موضوع الحمل بالرغم من حنة ريلي و يبغي عيال ،،
و كانت مشكلتي ان عندي حجرة صغيرة جدا و ما عندي مكان ،،
إلى جانب ان ديون ريلي متراكمة عليه ،، و يبني بيت
و دوامي بعيد عن شغلي فقلت كيف بحمل وانا اضرب خطوط
و منو بيهتم ف الياهل
يعني والله كل شهر امي تحن علي احملي احملي انا بمسكه
لاني كنت رافضة سالفة اخلي الياهل عند خدامة

قلت بحاول انتقل مكان جريب من بيت ابوي و امي بتهتم ف الياهل

قلت اكمل سنة وارتاح و بعدين لو الله كتب لي بالحمل بحمل
و كل شي بأمر الله ،،
و حملت بعد سنة وانا ما كنت ادرري و الله كتب لي

طبعا اشتغل و اغسل و اسوي و غير اني اساعدهم في البيت اشيل و احط
و بالعكس ما اتضايج ولا ازعل ،،، وانا حامل ولا ادري
و عقب عرفت حاولت اريح عمري قدر الامكان ،،
و صار لي نزيف بسيط و الحمد الله عدى ع غير ،،
و احس بآلم ف الظهر بسبة الدوام و يلسة المكتب و احاول امشي و عطتني الدكتورة ادوية و جبرتني اخذ اجازة لاسبوعين ارتاح

غير اني نص وقتي بالحمام يا ارجع او اني ابغي ارجع << لوعت جبودكم سوري

اللي لاحظته و هذا من يوم زواجي
ان لو سويت اي شي ما ايى يدام عين عمتي
اخدم و اسوي وانا مب مجبورة الا بخدمة زوجي و اسوي له اكله
و اطلع معاهم مناسبتهم و رحلات

و مرات تتصل فيه تقول له ازقر حرمتك او خلى حرمتك اتي المطبخ او محد يساعدني
تبغيني 24 ساعه ف المطبخ وانا انش الفير لين صلاة العصر ف الداوم
و دوم تلمح
محد يساعدني ف المطبخ
ما نشوف حرمتك ؟

الله و كبر كل يوم ايلس معاكم

و الحين يوم حملت كنت اتريى منها مو الاهتمام
ابغيها شوي تخاف علي
لا عادي
يعني لو بطلع و بشيل اجياس الجمعية ولا 5 اجياس و سلة الغسيل ما تفرق معاها
و كله تتصل ف ريلي عسب اكون يوميا ف المطبخ

الحين مشكلتي انش الفير اغسل ملابسي
و اعطي الخدامة تنشرهم
و اسير الدوام
يعني مب ملحقة ع الدوام و تحسوني اركض يمين و يسار
بس هي مب راضية و كله تحن ع ريلي و تشوه صورتي يدامه

من ايى عندي يتغير علي مب هو اللي معاي دايما يتغير
لفترة من يلس وياها من كثر ما تحن عليه
انتي ليش ما تيلسين وياهم ؟؟
ليش ما تدخلين المطبخ ؟
ليش تعطين شغلج للخدامة ! انتي ما تسوين شي

والله ما ادري شفيه يعني اسبوع عسل و من يلس وياها تغسل راسه
والله لو اقول له اي شي ما يصدق مستحيل يصدق شي عنها وانا اكون الجذابة
قلت خلاص ما بقول له ولا شي
لان الريال مستحيل يصدق شي عن اهله و من منو من حرمته ؟ اكيد انا جذابة ف نظره

و دوم يسألني اوكي وياج اجامله و اقول له ما في احسن عنهم ^..^

رمسته قلت له انا ما طلبت شي من خدامتكم
كل شي اسويه بروحي و هي فااااااااااااضية ما عندها شغل
بس تنشر لي الغسيل يوم اكون ف الدوام و باجر الويك اند انا بروحي انشر
بدل ما تقول الله يعطيج العافية من الفير تغسلين و تروحين دوامج
و حتى اعطي الخدامة مبلغ بدون علم العمة

حتى ما اشيل السلة كلها لانها ثجيلة
اشيل 4 قطع ف ايدي و انشر و ارجع اييب قطع ثانية لان ممنوع علي اشيل شي

انا ما عندي مشكلة ما ابغي اكون دلوعة و كل الناس حملوا
بس تراعيني في حدود المعقول جدا

الحين وصلت حدي وما ابغي ايلس ف البيت
و قلت له تأجر لي شقة صغيرة وهو مب راضي

وانا متضايقة يعني لا قادرة اطلع
لا قادرة ادخل
بشيل اجياس وياي تسأل ؟
بروح مستشفى خاص تحن عليه ؟
طيب انا موظفة و بفلوسي

بطلع العصر لمراجعتي تحننننننن على ريلي حرمتك طالعة .
بنشتري شي تعلق
بييب خدامة ما ترضى و تاخذ خدامتي لها وما تخليها تسوي شغلي
عندي غرفة صغيرة وين بحط سرير الياهل والله غرفتي متحولة ستور
و بداوم و هي رافضة تمسك الياهل
مع اني من نفسي كنت بعطيها مبلغ او بشتر لها شي كل شهر

غير ان الحجر مكودة ف البيت وما تعطيني حجرة
و حتى يوم بيطلعني ريلي تقدر تحن عليه انتو كله تطلعون وما ايلس وياك
ولا اشوفك هذا يوم تشوفه بروحه جي تقوله مب يدامي ؟

حتى لا قادرة اطبخ ،، انا ف خاطري اطبخ كل يوم
تبغي الاكل ع راحتها ولو قلت له عمو ارتاحي انا بسوي ما ترضى
و تسوي اللي ف راسها،، يعني عادي اكون مسوية لهم عشاء
و هي تروح تسوي
يعني شو رايكم
والله ان الكل ياكل من اكلي لاني احب اسوي اشياء يديدة

و توصي الخدامة ما تطبخ ولا شي الا بأمرها
و حتى يوم اقول للخدامة قصي الخضرة وانا اجهز شي ثاني للعشاء ما تسمع كلامي ابدا
و الي عندي يحن علي ما تطبخين لي ؟.؟

وانا الله يشهد احاول قدر الامكان ما اشيش راسه
او اخبره بالتفصيل عن مشاكلي معاها يعني اطنش وما افتكر الحين ولا اقول له شي
لان نفسيتي ارف

انا واصلة حدي و ابغي اطلع
و اللي عندي مب راضي لان نحن نبني بيت
اونه فشلة يدام اهله يطلع وهو باني و ياجر له شقة
بس البيت يبغي له سنة و سنة لين ما نأثث يعني سنتين
وانا ما اقدر اتم شهر زيادة
اقترحت عليه نروح بيت اهلي ،، لان ما عندهم حد ف البيت و البيت فاضي عليهم
والله ان لو سرت عندهم بيتخبل ابوويه من الوناسة
بس ما رضى ع اساس فشلللللللة ؟

مع اني يوم اسير بيت اهلي و عمومتي
من اطلع من عندهم وانا عندي لو جيس خفيف القاهم يوصلونه لبين السيارة
حتى يوم اتعشى يحطون الاكل يدامي اكلي هذا هذا مفيد لا تاكلين هذا

يعني والله اغار يوم اشوف كل عمة تهتم بمرت ولدها و تخاف عليها و تحاتيها
إلا انا و احس اسوي اشياء محد سواها ف الاهتمام و التقدير و المجاملات

مب لاقية تقدير ولا احترام و لا اهتمام
ما ابغي الاهتمام بس ابغي يكون لي احترامي و خصوصيتي البسيطة

شو اسوي ،،،
حاولت معاها سنة كاملة بالسياسة
و الكلام الحلو
و المكر بس ما قدرت عليها

و ريلي لو يموت ما بيصدق مني شي
و يطنشني ف ها الامور
و هي الصادقة وانا الجذابة

و يبغي لي سنة او سنتين
لين ما اطلع ما اقدر بموت

بنات انا محتاجة شغلي
و غير جي
ما احب يلسة البيت
احب اشتغل
و زوجي دوامه طويل يرجع العصر وانا ارجع قبله بساعه

يعني بيلس و اجابلها مستحيل بموت لا تقولون لي استقيلي
مشكلتي ابغي بيت بروحي و اييب لي خدامة تساعدني في حدود

مستحيل يرمس امه او ينااقشها ف شي ابدا و خاصة عني
ابغي خطة شي

مو قادرة اقنعه

اول مرة اسمع وحدة حامل و يبونها تشتغل (طبخ و غسيل و غيره) .. الله يعينج عليهم

المفروض بس هالفترة يريحونج و يقدرون ظروفج

شو رايج انتي و ريلج تسكنون بيت اهلج فترة لين تزهبين بيتكم

اصبري لين يخلص البيت …. وربي يسعدج يارب ويوفقج ويهدي عمتج …….

يعني الفرج قريب ..وانتي اذا صبرتي على عمتج وتحملتيها علشان ريلج ..صدقيني بتكبرين في عينه اذا هو عارف انها ماذيتنج …

والله يكون في عونج …

والله يفجها عليج يااااااا رب