ماهي اقتراحاتكم لأضع في هذا الصندوق .. ما التغييرات الملموسة و الغير ملموسة التي قد تحصل خلال 20 سنة ..؟؟
سأصور الجامعة وأضع صوراً لها فالكبسولة فبالتأكيد هناك تغييرات خلال 20 سنة + جريدة بتاريخ هذه السنة و ربما مجلة أيضاً ..
أتمنى أن تساعدوني باقتراحاتكم ………………………..^^
الي بتحدث لها اتوقع والله اعلم انه وايد تغيرات بتصير الي هذه المنطقة
جزاكِ الله كل خير يالغلا
فوووووووووووووق
الله يرفع مقدارك
حبوبة حطوا أشهر الإختراعات الإلكترونية اللي قاعدين نستخدمها في الوقت الحالي
مثل البلاك بيري و الآيفون و اللابتوبات و حتى جهاز الواير لس مال الإنترنت
لأن أكيد وسائل الإتصالات بتتغير وايد خلال 20 سنة
حطوا سيديهات و فلاش ميموري لأني أتوقع إنها بتختفي مثل ما اختفى اختراع الفيديو و أشرطته خلال العشرين سنة الماضية .
صوروا الإختراعات الكهربائية مالت المطبخ مثل الغلاية و التوستر و الخلاط و غيرها
و بعد حطوا ملابس و اكسسوارات عشان نضحك على الموضة لو ربي عطانا عمر < استوى بيت مب كبسولة هههههههه
امممم أقلام و دفاتر و كتب المنهج مال المدرسة 2024 
و لا تنسون تصورون المدارس بعد يمكن بتختفي عقب عشرين سنة <<< خيييررر
و بعد ممكن تصورين موديلات السيارات الدارجة حالياً
و المستشفيات و أشهر الأحياء السكنية و الشوارع الرئيسية في المدينة و محطات البترول .
و المباني المشهورة في زمننا الحالي مثل برج خليفة و فندق أتلانتس و مترو دبي و غيرها من المشاريع اللي منبهرين فيها الحين لأنها بتكون شيء قديم في المستقبل ^^
سوي برنت سكرين على أشهر مواقع الإنترنت مثل قوقل و ياهو و موقع حكومة المدينة اللي انتي فيها ( دبي أو أبوظبي أو غيرها ) أو حتى موقع الجامعة 
و اطبعوها على ورق و احتفظوا فييها .
حطوا فلوس لأن يمكن تتوحد العملة الخليجية خلال هالعشرين سنة بإذن الله..
و أخيراً و ليس آخراً حطوا صورة براطم و خدود و رموش تركيب و عدسات لاصقة و بشرة محترقة من التان عشان نتذكر نجمات التلفزيون في 2024 ..
و طبعاً المشدات لا تنسونها لوووووووووووول أسولف لا تصدقين هع
بالتوفيق حبوبة ، و السموحة تحمست شوية
❀ ❀ ❀