ممممممممم اليوم الصبح وبعد كم ساعه علي امتحان تحديد مستوى ادعووولي انقبل حلم حياتي التمريض
وانا متفائلة لان هذي اخر فرصة ^______________________^
عموما بدش فالموضوع //
عقب ماجفت موضوع اختنـا عن اخوها الي صك الـ 26 وماعرس للحين
عندي اخواني الي اكبر عني 3 معرسين وواحد خاطب وواحد عمره بعد 25 وكله يقول مايبا ومايبا
<– توها استوعبت الواقع
انا اتحراه يخطب والعرب مايبونه @____@ اثره هو الي يفركش كل شي
ف أنـا تقدرون تقولون عني ملقوووفة من قلب ظاهره ع امي 
فديتهـا اقصد وايد اسولف وايد احب اتعرف طبعا كله سطحي لكن جي انا طالعه عليها
المهم : تعرفت ع واااايد بنـات ودامني حبيت البنت ابيلها كل خيررررر
انا هنيه قلت ستوب بسير لامايه وبقردنها انا ماخش ع امايه شي
قلتلها هذي بنت من النت
بالاول عارضت وجي
بديت اقنعها
امايه شو رايج اسير ازور البنت واتعرف عليها ومن ناحية ثانيه انتي تنشدين عن عربها وهلها
واذ اوك وجي بنفاتح ولدج
امايه عقب ماقتنعت قالت دوري لعمج صك الـ 34 بعد وولد يارتنا حليله درس واشتغل ويدور الحرمة يستاهل ولد فلانه <– حلفي انتي بس !
لما قلت لاخوي الثاني ’ قال كيييف تفكرين تخطبين وحده من النت
قلتله شفيها ؟
قال صاحية بنت من النت
زين شفيها يارجل !! اقنعني !!
انتي شو دراج شو اخلاقها وشو بلاها وما بلاها
قلتله تراني بروح وبتعرف عليها وانتوا بتنشدون عن هلها مب منه والدرب
ومافيها شي لاعيب ولا حرام
النت وسيلة اتصال لا اكثر
سكتناااااااااااه وقلناله روح اقنع اخوك دامك معرس لا تهذرب ولا غيران <– لازم نشب حريجة خخخخخخخخخخخخخخخخخخ
عمومـاً : ألحين لازلنـا مترددين نخبر اخوي هالتنك ولـا !
انا قلتلهم افضل محد يصارحه واذ مشى نصيبه مشى واذ مامشى كل شي نصيب
وعلى فكرة انا خطبتني بنت فالآونه الاخيرة ( من شهووور ) ع هالطريقة ’ عقب ماتعرفت علي ’ أنجلب السحر ع الساحر خخخخخ
ماقدرت اجذب ع امايه قلتلها الموضوع ’ وطرشت اخوها دوامي يجوفني قبل لا استقيل وانعجب فيني
وانا ماكنت ادري باي شي
وهي اساسا ماصارحتني قالتلي خفت استسبق الاحداث واقولج ومايصير نصيب وتستوي بينا حساسيات
والريال قال لهلي تستوي ربيعة اختي لما اتصل ع اخويه يطلب القرب وموعد منه
واظن حتى هو مايدري اني من النت خخخخخخخخخخخخخخخ
وماستوى نصيب
طبعا عقب ها كله امايه بتخش عن اخواني بس بتقول لخواتي
من ساعتها كل ماييني حد ـ وحده من خواتي تنغزني بحقد ، ها من النت بعد ونحن ماندري !!
تتحراني انا أتعرف عليهم يعني
ف قمت اتحسس شوي ’ وتراجعت عن فكرة خطبتي لاي وحده تعرفت عليها ’
عشان جي بسألكم
المهم / هل تشوفون هالشي عيب !
تؤيدونه ولا ترفضونه !
واذ يتج وحده تخطبج لحد من النت ! بترضين ولـا وت !
وهل بتصارحين جميع الاطراف عن وسيلة التعارف ولا بتقولين هذي ربيعتيه ’ اخت ربيعتيه … !!!!
والمخطوبة هل بتصارحين هلج ولا بتمشين جذبة انها ربيعتج والي ياي اخوها ولا قريبها
وهل اذ وحده قالتلج ادور لفلان حرمه بتعرضين نفسج ( للخطبة )
وشسمه اتمنى البنات الي اعرفهن مايتحسسون مني اذ قلت ازورهن وجي
لاتاخذون المقصد سايره اخطب وبس ’’ انا عايشه ع النية والله وهمي اتعرف ع ناس طيبه ومب ها مبتغاي
ترانيه ازور المعرسة والي مب معرسه مرات لما ماحصل ربيعتيه اسير لامها هههههههههههههههههههههههههههههههه
ماشي شغللللله من قلب
بس مادري ليش لما اييون معارفنـا وربيعات امايه او عرب من صوب هلي ماداني اطلللللللللع وباليرررررر اظهرلهم
واتمنى من بعض العقول الصغيرة ماتوصف هالموضوع ترويج لشي معين
ها موضوع نقاشي بالنسبة لي لا اكثر
& BRB بذاكرلي اي قاعده انجلش لعل وعسى افلح ^____________________@
والشي الي سويتيه .. انا كان في بالي اسويه .. انج تخطبين البنت لاخوج .. بس ماعندنا حد .. الحمدلله كلهم عرسو ~.^
ربي يوفقهم ..
لان حتى اذا الولد قال اخت ربيعي
او البنت قالت : اخو ربيعيتي
في كل كل الحالات هم غرب سواء برع النت او داخله
وفي الحالتين لازم سؤال عن كل شي يخص الطرفين واهاليهم
وعقب يصير الاتفاق
بس تدرين نظرة الناس لزواج النت انه خرطي وما يدوم
فالافضل ما نقول عن طريج النت دام انها صارت ربيعتي فخلاص بقول لهم ربيعتي واهلها