خواتي اختي في محنة والسبب ريلها المريض ريلها شو اقول عنه باختصار فيه عيوب الدنيا
( مايحب المسؤلية يعني اختي الريال اللي في البيت اي شي يخترب من كهربا اواي شي هي دور العامل)
( يسافر بروحه ومايحب عياله عمره ما طلعهم ووداهم الالعاب )
(سوالف حريم تلفون ويطلع معاهم وينام بعد واايد ادله عندها تثبت صحة الكلام)
( عافانا الله بعد مع ريايل نوم وها السوالف)
(واهم شي لا صلاة ولا دين )
المشكله صارت بينه وبينها سالفة هو حب ينتقم منها طلب منها توصله الكراج في الصناعية
علشان سيارته هناك وهي راجعة شافها عمها (ابو ريلها)واتصل لها قال لها شو تسوين بالصناعية عند الهنود
قالت يايبة فلان الكراج لانه ما عنده احد يوديه خلاص صكر التلفون لما وصلت البيت وبعد فترة يا عمها
قال لها مع منو كنتي اعترفي شو اسوي هناك قالت له والله وديت ولدك الكراج ,قال لها ولدي ما راح
معاج ,اختي انصدمت حست الدنيا تدور في راسها قالت يب ولدك
ويا الريال وقالت له انا ما وصلتك الكراج وبكل نذالة قال لا قالت له احلف وحلف واونه عصب جدام
ابوه وتم يقول مع منو كنتي وش مودنج هناك اختي تمت تصيح وتحاول تشرح بس ما قدرت تتحمل كل
شي ولا شرفها وهي اللي تحملته 4 سنين وعنها عيال منه وهذا اللي مصبرها دخلت غرفتها وهو طلع
تخيلوا طرش لها مسج قالها طلعي من بيتي وخلي مفاتيح البيت والسيارة على الطاولة
واللي افضع قال لها باجر تروحي ويا اليهال المستشفى علشان يشوفون هل هم عياله او عيال ريال ثاني
الله يخليكم شوروا علي اختي شو تسوي اذا راحت المحكمة هل بيعطوها حقها ؟
هي مستعدة تسوي التحليل لانها واثقة من نفسها بس بعدين شو تسوي لو كان الحق معاها وانا واثقة من اختي هل ترجع له
الله يخليكم ساعدوني حتى ولو بدعاء صغير لاختي
الله يبعد عنكم المشاكل
ها مريض نفسي ..
الله يسر لها امورها و يفرج همها يارب
رمي المحصنات عقابه شديد … مب الدنيا سايبه وع كيفه …
تكون قوويه وتثبت حقهااا وخل يسوي التحليل
وتنفصل عنه لانه بصراحه وجوده والعدم واحد
مثل هالرياييل ما ينسكت عنهم .. رمي المحصنات من الكبائر واثمه كبير
عنده حاله نفسيه
لازم اختج تروح المحكمه وترفع عليه قضية طلاق خل يولي دام طعنها بشرفها شوتبي فيه
مالها الاتكسر خشمه بالمحكمه