انا بنت ملجه وانفصلت عقب 4 شهور بالضبط والحمدالله على كل حال عايشه مرتاحه في بيت ابوي
وعقب فتره صادفت شخص ومع مرور الأيام حبينا بعض لدرجه الجنون وانا مرمسه أخته و خالته و على أساس بس والدته تطلع من العده بيتقدملي
بس من يومين صارحني بشئ وهو طبعا متلوم بس ما بايده شيء
صارحني وقال انا مالج على بنت خالته طبعا انصدمت وتضايقت وعقبها سألت متى وعن السبب قال ان صاير ظرف وأمه حلفته أن يأخذها وطبعا خذها بس شرط على أمه يأخذها وبعد بيتقدملي طبعا كلهم وافقوا على شرطه ..
لدرجه أن لا سووا عرس ولا أي حفله مجرد ملجه وخلاص يعني تزوجوا!
بس يا خواتي انا خايفه اهلي يردونه أو يرفضونه كوني بكون الزوجه الثانيه انا عادي عندي لأن هو بيوفرلي كل شيء وحتى رمست زوجته وهي راضيه
بس وايد خايفه ومب عارفه شو اسوي؟؟
ساعدوني بآرائكم
وشاوري الوالد والوالده لان الام والاب ادرى بمصلحتج لو كان متزوج 3 وانتي الرابعة وكانت سعادتج معاه ما راح يعارضون ولو تقدملج اعزب وهم شافوه ان ما يصلح لج لو شو ما بيوافقون لانهم يشوفون شي انتي ما تشوفينه
ما ندم من استخار واستشار وخليج واقعية
والله يقدم الي فيه الخير ودائما رددي ( اللهم اني وكلتك امري وانت خير وكيل ودبر لي امري فاني لا احسن التدبير )
وبإذن الله ربي بيوفقج في حياتج سواء معاه ولا مع غيره
بصراحة اذا انتي حاسه انه راح يسعدج وماراح يقصر عليج بشي توكلي وخليه يتقدم ﻻهلج واهلج اكييييييد يبون مصلحتج ماعتقد بيرفضونه اﻻ لو كان فيه شي فتوكلي على الله
نحن مانعرفه ولا نعرفج
ولا نعرف ضروفج ولا ضروفه
لذلك استخري
والله يوفقج
لا تنجرفين ورا الحب وفكري بعقلانيه والاستخاره قبل كل شي
وعقب قولي لاهلج انا موافقه لاني برتاح وياه ب كفاية تطلقت وانا كنت مالجه
انا راضيه أكون زوجه ثانيه ولا مطلقه
خواته تفاهموا وياي وكل شي وقلت لهم كل شروطي
ولاتوقفون نصيبي
انا اقول انتبهي لنفسج وخلج حازمة معاه وعطيه مهله قولي له تقدم واللي الله كاتبه بيصير لا تمين تقولين له يمكن اهلي مايوافقون ولا منها الكلام عشان مايخلي اهلج علثه بعد ..