هل اقدر أستغنى عن الخدامة ؟ عمل يدوي

هلا اخواتي
امس حطيت موضوع عن خدامتي اللي خدعتني

https://forum.uaewomen.net/showthread.php?t=642958

واشكر كل اخواتي اللي وقفوا معاي ,, وواسوني بكلامهم العسل ,,

الحين ياية اسألكم واتناقش معاكم في موضوع , وابي رأيكم فيه ؟

هل اييب خدامة يديدة , ولا خلاص اتوب عن الخادمات واستعين بالاجهزة الالكترونية اللي تعيني مثل غسالة المواعين والغسالة الاوتومتكية والنشافة ؟!

انا قلت خلاص ما بييب خدامة لاني ساكنة بشقة بها غرفتين وحمامين وصالة ومطبخ
ويكفي انظفهم بالاسبوع مرة ؟

بس لانه ولدي صغير عمره سنة وكم شهر , وانا حامل بالتاسع خفت اتوهق بلا خدامة

والمشكلة احنا ساكنين انا وريلي بعيد عن اهلي واهله , فما عندي حد يساعدني ؟

بس اللي مهون علي اني ما اشتغل ,

هل برأيكم اقدر بدون خدامة وخاصة انه عيالي وراء بعض وصغار ؟ وغير شغل البيت ؟

اخاف اييب واتوهق , تطلع مب اوكي ؟

وسبحان الله من سارت ذيج الخدامة حسيت بوسع في البيت
قلت ليش اييب خدامة تضيج علي الشقة اكثر ما هي ضيجة !! وتكتم ع انفاسنا !!

بس احين واحد وما رايمة عليه – يمكن لاني حامل بالتاسع وثجيلة –
كيف عقب جمن اسبوع بيكونن اثنين ؟ وانا ما عندي حد يساعدني فيهم ؟

اتريا ارائكم حبيباتي ؟

(( ملاحظة : بالنسبة للبنات اللي قالوا يبي وحدة مؤقتة , تراني بفترة الاربعين بتم عندي أهلي ,
يعني ما أحتاجها , بس المشكلة عقب الاربعين , هل تتوقعون اني أحتاج خدامة دائمة ولا ممكن أستغنى عنها ؟!! ))

اختي ييبي من المكتب خدامه مؤقته

وفي الخدامات اللي يشتغلون فالشركات او المدارس

ممكن انهم يشتغلون عندج كم ساعه

لانج انتي بتربين مب زين عليج شغل البيت وايد وبعد لازم تمسكيين اليهال

بس لاتوثقين منهم خذي حذرررج انتي شووفي عاد

انا ماعرف هالسوالف بس احييد امي قبل جي تسوي

اول شي تقومين بالسلامة ان شاء الله
ثاني شي: مثل ما قالت الاخت ييبيلج خدامة مؤقتة يعني تييج فترة الصبح وتروح عنج المغرب
احسن من هالعبالة كلها…….

دام انج في شقة

فهاتي وحدة مؤقته

يعني مرتين في الاسبوع للغسيل والتنظيف وعقب تتيسر وتسير المكتب وتفتكين

والله يقومج بالسلامة

والله لو ماتيبين احسن لج
صدقيني انتي مب في حاجتها
بس لو ترتبين وقتج وتسوين نظااام معين تمشين عليه بترتااحين
اكيد فترة الولادة يبالج مساعدة..ممكن الوالدة اختج ….اي حد قريب منج وايد
عشان سهر الليل ويا المولود وتعب النفاس وزيارات الاهل والصديقات

مرة بالمستشفى السيستر يمنية تسولفلي …..تقولي ربيت بولدي وكان عندي قبله بنتين
وكنت ساكنه ويا اهل ريلي وعمتي الله لايرااويج….ربيت وطلعت من المستشفى بعد 4 ايام
المطبخ متروووس وعيان ماااتم صحن او جلاص في الكبت……والبيت معفن وبناتي متبهدلات
وشعرهن وصخ ومب متسبحات ……انا فجيت عيووني مب مصدقة الي اسمعه
قالت لي رديت البيت وشفت هالمنظر تحطمت غير انها بالمستشفى مازارووها ولا يابولها اكل
مااغير اهلها ووووبس
تقول رديت البيت نظفت غرفتي وغيرت الشراشف وسبحت بناتي نظفتهم وعطيت البيبي مرضعة ولو ان صدري فيه حليب….وطلب ريلها اكل من المطعم …….
تخيلي الحرمة نفااااااااس …..تقولي حست حووسة في البيت والمطبخ ونظفت وغير غسيل الثياب
بالغساالة العادية مش الاوتوماااتيك ………قلت لها لا اله الا الله ماشاء الله
معقوووووووولة يحليلها كيف تحملت كل هذا

قالت لي بالعزيمة وقوة الاراادة ……

يعني اختي الغاليه رتبي امووورج وخلي بيتج نظيف اول باول.عن الطبيخ ممكن تجهزين الدياي او اللحم بالليل والصبح يكون عليج الشغل اخف….ومرات من المطعم…ومرات من عند اهلج

لين تمشي امووركم على خير …….وربي يوفقج وتحصلين وحدة زينة

اختي عادي تقدرين

انا عن نفسي اداوم (والله لو علي ما بداوم بس شو نسوي غلاء المعيشة و الايجارات )

و عندي ولدي الصغير عمره 10 شهور…
و بيتي غرفتين و حمامين و مطبخ و ميلس..

و نتساعد انا و ريلي.. هو يمسك ولدي و يراكض وراه و انا انظف,,, عن الاكل يوميا من المطعم .. غداء … و اما العشاء انا اسوي خفايف
و في الويك اند اطبخ

بالنسبة لاهلي و اهله في امارات ثانية و نحن في بوظبي (بحكم شغلي و شغله)

المهم الامووور ماشية و لا للخدم

على فكره,, يبت خدامه فتره يوم كنت نفاس,, و الله انها مدلعه اخر دلع .. الشغل خفيف,, و طول الوقت واقفة بس اطالع يا راقده يا ترمس تلفون

الموووهيييم… سويتلها تنازل حق ربيعتي.. لاني مارتحت من فضاوتها..
و يبت التالي

غسالة
و نشافة
مايكرويف
غسالة صحون

و الحمد لله مشيت اموري,, فاعتقد انج انتي بعد تقدين … بس لازم ريلج يتعاون معاج

بالتوفيق

المشاركة الأصلية كتبت بواسطة nightwaft