هلا وغلا في بنات الامارات شوفوا شنو اخرهبة الدراريع في الكويت حياكم ؟؟؟

هلا وغلا فيكم يا اهل الذوق والطيب اهل الامارات الغالين . اختكم من الكويت هههه يكون مو مريومه كويتيه .
المهم بقولكم عن اخر موضة للدراريع بالكويت ؟؟؟ في الكويت الحين هابين بالدراريع القصيرة يعني اللي تكون دراعة عادي بس قصيرونة شوي علشان تبين الشحاطة والباديكير . والحين حتى المعارض النسائية وايد منزلين وهابين بهالموضة ويقولون انها موضة شبابية بحته وتخليج تهتمين بالباديكير والشحاطة .

سبحانه الله
من زمان نحن الجلابيات تنلبس هنيه في الامارات ستر وزينه بعد
ويحافظ على الوافيه منهن يعني الطويله مب القصيره اللي جنها (مطلوبه ) على قولة يدتيه
وعموما الناس اذواق
مشكوره اختي على المعلومه

مااااااا عرف بس للحين ما وصلت عندنا ….
ونحن بالامارات ما نلبس قصير لا ف المناسبات النسائية الخاصة
يعني لو لبسنا قصير ف عرس العيايز ما بيخلونا ف حالنا بنت افلان لابسة قصير وبيحشوووون فينا حش ….
بس ياريت اذا عندج صور اتنزلينها لنا
اتقبلي مروووري

هلا والله ابمريومه عاد انا اختي اسمها مريومه والحين احنا امخيطين دراريع قصار بس انا حطيته على شكل فستان

مشكوووووووووووره وايد

مووووضة وااايد حلوة …. و موضة دارجة عندنا هالسنتين .. بس طبعااا بينا و بين رياييلنا بس

حتى جدام اهلي استحي البس قصير … يسلمووووو خيتي .. و معروف عن الكويتيات الذوق في اللبس

خارج الموضوع (( حبوبة شو اسم الصالون اللي عندكم ,, يسوون تان بقصب السكر )) ؟؟

حبيباتي بنات هالمنتدى الغالي انا ما اقصد بالدراعة القصيرة اللي عاد حيل قصيرة لا حبايبي اهيا قصيرة يعني قصر معقول على كعب الرجل بس وصدقوني ذيك المرة استقبال في بيتنا ولبستها والله حتى العيايز ما تكلموا ولا حشوا لانها مو قصيرة بالشكل اللي اتصورونه بس وانا كاشخة بالشحاطة الماركة ومسويه الباديكير العجيب صراحة روعة . وبعدين كان ودي اعرض لكم الدراعة والله ما راح تلاحظون انها قصيرة بس للاسف انا مفصلة وحدة ثانية لرمضان وحاطة الدراعة الاساسية علشان المقاس وفديتكم والله على المرور .اما الغالية اللي تسال عن صالون للتان والله ما عندي خبرة بس راح اسال وخبرج عالخاص .