هلا واللــــة مرحبأآآ … تقرير بنات العزبة يتريااكم إلى مول ومترو دبي ^^ سياحة الامارات

تقرير عن رحلتي الى دبي مول و ركوب المترو
كيف حالكم ياخواتي
هذي المشاركة الثانية لي و انا متشجعة على الكتابة لان التقرير الاول لقى اهتمام و تشجيع من بنات المدونة
و لكم كل الشكر يابنات منتدي سيدات الامارات
في البداية نحن في الشارع في سياراتنا الحبيبة<<< للبنات فقط ^^"
الساعة 11:30 الصباح

ياماكثر مايلعوزنا هذا الطريج من اللفات بسبب التصليحات

الطريق الى دبي دار الحـــــــــــــــــــــــي ..~~

البركنات في منطقة الراشدية ..~~
وعااد قبل ما نوصل فيه درب يرقي للطابق اللي فوق للباركناات …. وهالطريق عاد الله لا يا يراويكم … درب وفجأأه … لفه خطيره يعني زاويه حاده وماشاء الله نحن سيارتنا يالله يالله تنخش فالهدرب ويلسنا نرد ريوس ونجدم ونعيد ونزيد لين ما وصلنا بالسلامه ^^" <<<< نصيحه خذووا سياره صغيره ههههههههههههه ^^
هنا وقفنا السيارة و توجهنا الى عالم التطور( المترووووووووووو)
ولو تلاحظون يوم توقفون فالباركـن يتغير لون الليت اللي فوق يستوي أحمر والباركن اللي فاضي يكون لونه اخضر ^^ ( صح ان دبي عالم التطور) …

~||..((الطريـــــق للمتـــــــــــــــــرو))..||~

حلووووه الصراحه صوره المتروو <<< ع قوله اخواتي صووره حووت هههههههههههههههههه ^^"

تتبعو معنا ……..
طبعا ً اول ما توصلوون هنيه تسيرون سيده وتاخذوون التذاكر…. O.o
وفيه تذكرتين وحده ع قوله المضيفة سبيشااااآآل ولا آآآآدي <<<< تبون رايي خذووا السبيشال ( يعطونكم بطاقة ذهبية) لان خذنا نحن العادي وتبهدلنا فالرده …..><"

]]

من الراشدية……………… الى جبل علي
طبعا هذه المصعد يشلكم للمترو يعني لا اتحسبوونه لجبل علي شرات ما قلناا نحن وتمينا موقفات ههههههههههه وعقب ركبنا …. هذه يوديكم للمترو اللي هووه بوديكم لأول محطة جبل علي وعقب بتكملوون لين ما توصلوون المحطة اللي تبونها ….^^

…..||| تــــــــــابعوا الجزء الباقي من الرحلة |||~~~~^^

تسلمين ع الرحله الحلوه ^^

تــــــــــــــــــــــــــــــاآآبــــــــــع…~ ~~ ^^

~~..|| رحلتنا داخــــــل المترو ^^ ||..~~

لاحظوا المحطات بالحمر و الاخضر في الخريطة اللي فووق البااب
نحن لازم ننزل في محطة 25 ( دبي موول وبرج خليفة )
قبل ما توصلوون للمحطة ييلس يرمس المتروو بالعربي والانجليزي هههههههههههههههه يعني اللي ما تعرف عربي بتفهم بالانجليزي والعكس ^^ ….. فيه مره قال المحطة القادمة الرقة …. بالانجلزي قال الركـــــة ههههههههههههههههههههههههه فطسنا من الظحك والمعروف فالمترو ممنوع الظحك والكلام هههههههههههههههههه والكل يطالعنا ونتيبس مره وحده ونصخخ ^^" ….
فيه بعد يقوول المتروو قبل ما يرووح أو ينطلق لا تجربوون من الباب ( حق العيال الصغار ) .. والله فيه كبار ما يفهمون بعد ههههههههههههههه فيه واحد ماعرفه من اي طبش يوم قال المترو ابتعدوا عن البااب ركض سيده صووب الباب ههههههههههههه ماعرف شعنده يفهم الكلام معكوس ولا شو سالفته …..^^"

..

المضيفة في المتروووووووو….
أول ما ركبنا قلت لأختي صوريها قالت لالالا بتشوفنا وبتعصب يووم راحت صوورناها يعني آسفيين ما شفتوا ويها ( الوجه يعني ) ^^"…. المره اليايه بنحاول هههههههههههههه

شووفووا هذي المحطة اللي انطلقنا منها اللي هييه الراشدية …. تتبعوا الطريق ويانا ^o^

هذي المحطة ماعرف الصراحه كم رقمها ما اذكر ^^"…. بس هذي محطة المطاار يعني اللي هم يايين من براا بتشووفوونهم هههههههههههههههههههههههههه واكثر منطقة يركبووون المتروو فيها ><"

~~..|| بـــــعد النزول من المترو ||..~~

اشهر شي في دبي الكل طبعا يعرفة ( برج خليفة والنعم ^^)…. طبعا هالمحطة اللي نزلنا نحن فيها…. يمكن تشووفون فالصوره فيه شوي تصليحات بس ما يخص المهم انتوا استمتعووا …. ^^

في مابعد نزلنا من المترو.. وكالعادة تردون تنزلوون من المصعد او الدرج المتحرك ع راحتكم وتسيرون سيده صووب المخرج طبعا ً بالبطاقه يفتح لكم الباب وتطلعون وتوجهوون صوب موقف الباصات … نحن اول مره كنا سايريله ويوم نزلنا عرفنا ننزل بس عقب ظيعنا وماشاء الله ع قولتهم الحشره ويا الناس عيد ركضنا ويا الناس لين ما ظهرنا ههههههههههههههههههههههههههه ^^" <<< سووا شراتنا اذا ما عرفتوا توصلوون هههههههههههههههههه ^^
و دقائق بيب بيب بيب الباص و صل و ركبنا… بس فيه باصين باص مجاني اللي هووه فالصوره وكان اجرب لنا وما نقدر نربع لين الباص الثاني اللي هووه بفلووس بس تراا كلهن متشابهات يعني وين لقيتوا مكان ركبوا تراا ماشي فرق ولا تيلسوون تتريون لا وعقب بتوقفون واايد وما بتلقون مكان ….. ^^ …. تابعوا

أول ما وصلنا نزلنا من الباص وصورت هذي الصوره السمووحه مش وايد واظحه ^^" …. بس بقول شي اذا نزلتوا وشميتوا ريحه سمج ( سمك ) لا تستغربون هههههههههههه لان اختي يلست حاشرتنا وساده ع خشمها سمج وسمج وسمج ههههههههههههههههههههههه …. ^^"

توجهنا للمسجد وصلينا الظهر … كان اذان الظهر مأذن وتراا فيه مساجد وايد بس نحن ع حظنا لقينا واحد قريب من محطة الباصات … ^^

وعلى طول للمطعام و كنا حاطين في بالنا مطعم ياباني …. وطبعا لين ما لقينا المطعام يعني كل ما نسير ونسأل الرسبشن يقولولنا سيروا هناك وهناك وعقب ركبوا وليش كل هالخبيصه مادري يمكن يبون يتعبونا الله يسامحهم بس فيه سيده مصعد ركبووا عدال المسجد وسألوا اي حد اذا ما عرفتوا بقولكم المطاعم سيده وع اليمين لا لفه ولا خبيصه … ما نباكم تتعبون شراتنا T.T
و شترينا وجبات مختلفة عشان انجرب الأكل الياباني<<< عااد اليابان عوووق البنات هالاييام ^^
اسم المطعم نفس ما تشوفون سوجووي والكل يعرف معناها اعتقد … رائع … فيه قرب هالمطعم مطاعم مشهوره ومعروفه من مثل ماكندونال و كنتتاكي وغيرها … وفيه مطاعم هنديه وصينيه و لبنانيه و إيطاليه *.*
نحن سرنا هالمنطقة مالت المطاعم بس ع قوله اخويه فيه مناطق ثانيه … الله يعلم ^^؟؟؟

و بعد ما تذوقنا الطعام خاب أملنا لانه مش حلو …. الله يعز النعمة … في الحقيقة هذا المطعم يحاول يسوي اكل ياباني بس الطعم مختلف لان الطباخين فلبينين مش يابانيين…. ^^"

وهنا اشترينا طعام ثاني من مطعم سوري….عيوش و صوالين و تغدينا صدق على طريقتنا الحمد الله كنت اخاف بس ما اقدر اكل بعد اللي كلته ><"…….. وهذي صوره الاكل بعد ما خلصنا آآآآآآآآه ^o^

…|| تــــــــــــــــاآآبعونأأأأ…^^||~~

في انتظارج أختي

وتقرير روعـــــــــــــــة

~~..|| التـــــــــوجــــــه للأكـــــوآآريوم ||..~~

و بعدين اتوجهنا لعام البحار الاكواريووم …. شووفووا هذي الصووره فالدرب خذناها من فرحتنا ما تريينا سيده صورنا ههههههههههههههههههههههههههه من فوق بعد ههههههههههههه ^^"

..

وهذي البوابه اول ما توصلوون لازم اتقصوون تذاكر … الشخص بـ 50 درهم وطبعا هذه للحديقة المائية اما اذا تبون تركبون القارب بعد بـ 25 درهم … يعني كل شخص 75 درهم … لا تقوولون غاالي تراا والله كشخه ما بتندموون ^^"

..

~||..((فــــــــــــــــي الحديـــــــــــــــــــقة المـــــــــــــــــــائية ))..||~
هذا قندس كان يوزع بوسات ( قبلات ) وعاد اختي الصغيره عيبها وتمت الا عنده هههههههه ^^"
….حلوووووووو

..

وهذي السلحفاة اتخبلت عليها اختي اول ما شافتها ركبت سيده وغطت ايدها داخل وتمسكها وياا المصري يهازب زين ما ظربها ( المشرف على السمك ) … ^^"

..

هذي اول ما شفتها زيغتني O.O … كنها مسلوخه …. لا وبعد فحوض خاص عسب ما تعادي الباقيات هههههههههههههههههههههه ^^"

..

هذي السمكة سالفتها سالفه أم شنب ههههههههه … نحن بس لمسنا الزجاج تمت تسير ع فوق قالنا المصري ( المشرف) انها تعظ … زغنا وشردنا هههههههههههه O.O

..

الله… *.* ضوري مع نيمو(عووم و تمختر ..عووم و تمختر…..مختر مختر)<<اخواتي الصغار تخبلن عليهن

..

شوووفوووا هذه القووب قووب ( السرطان ) يزيييغ لو عنبكبوت عنبووه O.O …. اختيه تمت الا تصقع الزجاج بركبتها ههههههههههههههههههه تباا يخووز ما طاع حتا يتحرك ……….^^

..

~~..|| الطريق للكواريووم ^^||..~~

اول ما وصلنا تحت~~~ زحمه عسب تدخل … جان تسير الوالده الله يعطيها العافيه .. ^^
شي شرات الحاجز من حزام يرته ( جرته ) وخطفنا من تحته هههههههههههههههه احسن طريقه ^^

..

~||..(( داخـــــــــل الاكــــــــواريــــــــــوم))..||~
شووفووا السمكـ من فوق يجنن … كانك في فقاعة وتحوطين داخله *.*

..

نحن فالقـــارب ….^^

..

هذه للأمن غصبن من عيون لبسنااه ><"

..

…|| تـــــــــــاآآبعوا آآخر جزء … -^^- ||..~~

..|| قــرب انتهــــــــــاء الرحلة ||.. T.T

شووفووا هذيلا راعيين الاسكريم يسوون عرض عسب يشترون وااايد حلو عرضهم …. اسم المحل cold stone بتلقونه قرب الحديقة المائية

..

هذه موقف انتظار باص المترو اللي هووه فري يعني ببلاش اما بتلقون فالصوب الثاني باص اللي مش فري هههههههههه ^^"

..

فالباص وماشاء الله الكل ساكت ما يرمس الا نحن فاجينها نقااش ههههههههههههههههه ^^"( تلخيص عن الرحلة)

..

الطريق لفوق للمتروو ( بنركبه مره ثانيه ^^ ) بس كانت زحمه
إن شاء الله ما تلقونها مثل ما لقيناها ^^

..

ههههههههههههههههه صورة تذكاريه فالمتروو ^^

..

وآآآخر الرحلة والبنات فالدرب تعبانات خطفتنا الوالده على مطعمنا اللي دوووم ناخذ من عنده مطعم الهفوف واكله لا يقاااااااااوم ( مطعم الهفوف في منطقة المدام من طريق دبي إلي المدام والروضه وانحائها رووعه الصراحه ) ^^

..

مع تحيات بنات العزبة <<<< ترقبوا الرحلات القادمة ^o^

اللـــــــــــــه يسلمج ويسلم غاليج ومغليج يا رب ^^

شكرأأأ اختي ..وشوفي تكملة الموضوع وعطيني رايج ^^