الصف الأول من التعليم الأساسي
حييت انقل لكم خبراتي في هذه المرحلة المهمة في التعليم بحكم إنني عندي ولدين مرة بهذه التجربة
وبنفس الوقت أنا معلمة
وكل ما تعبتي معاه تأكدي انك اسستي ولدك أو بنت التأسيس الصح
وبترتاحيين بعدين يوم ينتقل للصف الرابع والخامس الأساسي
واهم شي يكون عمر ولدك بالسن القانوني للتعليم لان المناهج بدت تصعب ويكون عقله نفس المجموعة اللي راح يتعلم معهم ويقدر يركز معاهم .
أولا : التحضير له ( يعني تحضير بسيط تعطيه فكرة عن الدرس ) عشان يتجاوب مع المعلمة أثناء الدرس ونفس الوقت تعرف المعلمة إن هذا الطالب متابع معاه بالبيت ويثبت وجوده بالصف . طبعا كل هذا يأخذ من وقتك اقل من ساعة .
ثانيا : يحتاج الطالب للتشجيع عشان يرمس في الصف , أنت شجعيه بالشي اللي يحبه , وقولي له إذا شاركت بالصف راح اشتري لك الشي اللي تبغيه .
ثالثا : متابعتك للواجبات أول بأول لان ولدك نادر ما راح يخبرك على الواجب خاصة إذا كان ولد .
رابعا : حاولي بين كل فترة وفترة تعطي إملاء بسيط وقراءة بسيطة حتى ما ينسى والتكرار يعلم الشطار
خامسا : تواصلي دائما مع المدرسة وشوفي شو نقاط الضعف عند الطالب ولا تيئسي كفاية يوم كنت أسير المدرسة اسأل عن مستواهم أحس عيالي يكون فرحانين لانيني جيت مدرستهم .
سادسا : الغياب بأثر على مستوى الطالب , حاولي انك ما تغيبه إلا إذا كان مريض مثلا .
سابعا : حببيه للمدرسة والطلاب ومعلماته مهما اشتكى لك .
الحمد لله تعبت مع أولادي لكن التعب انسيه يوم يتكرم بالمراكز الأولى
والله يوفق عيالكم وتفرحون فيهم
بنتي بعدها صغنونه
بنستفيد من خبراتكم