هروووب الخادمات!!! دشي واحكي تجربتج شغل يدوي

احنا بشكارتنا شردت من شهرين تقريبا ولا جبنا غيرها ولا نفكر نجيب غيرها

هذي اول مره بشكاره تشرد من عندنا بس بصراحه تعقدنا من اللى نسمعه

ثاني شي حنا كنا نعاملها كانها وحده من البيت يعني مب بشكاره

حتي التنظيف مب كله عليها انا وهي نتساعد، انا والا امي اللى نطبخ ما نخلي الخدم يطبخون

ولا في اطفال عندنا بالبيت ولا في شغل كثير

حتي كل جمعه ما تشتغل بالبيت اخليها ترتاح

وباقي الايام الشغل مقسم بيني وبينها، والظهر اخليها ترقد وبالليل مرات حتي الساعه

ثمان اقول لها كان تبين ترقدين سيري رقدي

حتي اكثر وقتها يالسه معانا بالصاله تطالع التلفزيون حالها من حالنا، مع ان عندها تلفزيون

بحجرتها، بس احنا نقول لها تعالي وشوفي معانا التلفزيون، عشان ما تحس نفسها بروحها

يعني الحمدلله نعاملها معامله زينه، هذا غير مرات اخليها بالشهر اكثر من مره تتصل باهلها هذا غير البس

وغيره وغيره، يعني مثل كل الناس اللى تعامل الخدم بالزين لانهم بشر جايبينهم يساعدونا

مو نذلهم والعياذ بالله

طبعا بلغنا عنها ولا ندري كان يودوها والا لا

عاد اختي ثلاث بشاكير شردوو عنها باقل من سنه مسكينه والحين تقول مابا خدامه خلاص

يقولون ان فى قانون بينزلونه للخدم، وسمعت بعض الشغلات بس للاسف كلها لصالح الخدم

والكفيل مسكين رايح فيها، ولا في شي يضمن حقه