هرمون الحليب مرتفع ساعدوني

هلا حبيباتي اشحالكم ..؟

خواتي انا متزوجة من شهور و بعد العرس انقطعت عندي الدورة فسرت عند الدكتوره عسب اسوي فحص عل وعسى يكون في حمل ,,

بس بعد التحاليل طلعت النتيجه ان هرمون الحليب مرتفع وااااايد فوق 8000 ,,وهني خفت وقالولي لازم انسويلج تحاليل مثل الكورتيزول وانسويلج اشعة مقطعيه لراسج ما غير حولوني على دكتور العيون عسب يفحصلي النظر ,,

حبايبي نسبة الهرمون مرتفعه واايد وقالولي احتمال كبير يأخر الحمل ,, خبروني عن دكتوره شاطره اتفيدني بها الشي مابا اتلعوز واسوي اشعه لاني سويتها مره قبل العرس بنفس السبب والنتيجة ايجابية وما فيي شي .. علما بان الدورة كانت تنقطع قبل العرس وبنفس الاسباب بس ما كان الهرمون مرتفع واايد تقريبا 500الى 800

الله يرحم والديكم دلوني على دكتورة ممتازه في ها الشي ,,

والسمووووووحه ,,

للرفع

السلام عليكم اختي
بغيت اطمنج انا صارلي ارتفاع في هرمون الحليب عن المعدل الطبيعي والي المفروض يكون 20 وكان مرتفع عندي واصل 68راجعت عند دكتوره وعطتني علبه فيها حبتين صغار لمدة شهر كل حبه اقسمها من النص واخذها كل اسبوع لمدة اربع اسابيع والحمدالله نزل الهرمون 4,6 وتعالجت عند أوراس بصراحه وايد اوكيه وحملت من نزل الحمدالله
لاتحاتين وخلي نفسيج مرتااااااااحه وايد ولاتفكرين لان النفسيه وايد تلعب دور في ارتفاع الهرمون واستغفري وعلاجه بسيط الحمدالله
الله يرزقج بذريه الصالحه ان شاء الله وتوكلى على الله ..
أي سؤال برد عليج أن شاء الله بكون متابعه الموضوع …

الدكتورة فاطمة ابو شوك في الشارقة ممتازة بأمور الدورة والحمل والالتهابات

الدكتورة نوال العباسي في دبي وايد شاطرة

هلا اختي ,, وعليكم السلام والرحمة ..
انا كنت أفكر اسير عند اوراس ودامج مدحتيها بشووف شو بتقولي ..
اختي انا عطوني ها العلاج وحاليا استخدمه حبتين في الاسبوع وان شاء الله يفيد وينزلي الهرمون ..

بس اختي حبيت اعرف شو عطتج اوراس ؟؟

مثل ما قلتي النفسيه تلعب دور وانا وااايد احاتي واوسوس في هاي السالفه ,,

وتسلميين اختي عالرد صدق كنت محتاجه حد ينصحني ,,